𝐁𝐫𝐮𝐧𝐞𝐢 𝐃𝐚𝐫𝐮𝐬𝐬𝐚𝐥𝐚𝐦 𝟐𝟐-𝐀𝐩𝐫-𝟐𝟎𝟐𝟔 — Governu Repúblika Demokrátika Timor-Leste liuhosi Ministériu Agrikultura, Pecuária, Peskas no Floresta (MAPPF) kontinua reforsa ninia papel estratéjiku iha nivel rejionál no internasionál konaba seguransa alimentár

Delegasaun Timor-Leste lidera husi Ministru Agrikultura, Pecuária, Peska no Floresta, 𝐄𝐧𝐠, 𝐌𝐚𝐫𝐜𝐨𝐬 𝐃𝐚 𝐂𝐫𝐮𝐳, 𝐌𝐀𝐠,𝐒𝐭 ne’ebé marka prezensa ofisiál atu reprezenta interese nasionál no hametin relasaun kooperasaun ho parseiru internasionál sira. Partisipasaun ida ne’e refleta komitmentu IX Governo Constitusional atu integra Timor-Leste iha diskusaun global kona-ba setor agrikultura no seguransa alimentár.

Iha kontestu ida ne’e, Timor-Leste partisipa iha 𝐅𝐀𝐎 𝐑𝐞𝐠𝐢𝐨𝐧𝐚𝐥 𝐂𝐨𝐧𝐟𝐞𝐫𝐞𝐧𝐜𝐞 𝐟𝐨𝐫 𝐀𝐬𝐢𝐚 𝐚𝐧𝐝 𝐭𝐡𝐞 𝐏𝐚𝐜𝐢𝐟𝐢𝐜 𝟑𝟖𝐭𝐡 𝐒𝐞𝐬𝐬𝐢𝐨𝐧 (𝐀𝐏𝐑𝐂), 𝑯𝒊𝒈𝒉 𝑳𝒆𝒗𝒆𝒍 𝑴𝒊𝒏𝒊𝒔𝒕𝒆𝒓𝒊𝒂𝒍 𝑺𝒆𝒔𝒊𝒐𝒏 ba Loron Dahuluk, iha Brunei Darussalam, hanesan fórum estratéjiku ida ne’ebé halibur nasaun hamutuk 46 (ha’at nulu resin nen) sira iha rejiaun Ázia no Pasífiku hamutuk, atu diskute politika, estratéjia no prioridade sira iha área seguransa alimentár no dezenvolvimentu Agricultura moderno, ekonomia azul inklui antisipa implikasaun global relasiona ho konflitu Iha mediu oreinte.

Iha okaziaun ida ne’e, Timor-Leste reafirma ninia prioridades no desafiu sira, inklui fortifikasaun seguransa alimentár nasionál, hasae produsaun agrikultura organiku, kapasitasaun Rekursu Humanu, investementu Infrastrutura ba irigasaun no baragen ho utilizasaun teknologia apropriadu, no dezenvolvimentu komunidade rural ho forma sustentável.

Iha tempu hanesan, Governu subliña katak limitasaun iha área finansiamentu no kapasidade kontinua sai obstákulu boot, ba rai hanesan Timor-Leste. Tanba ne’e, Timor-Leste apresia ba fokus konferénsia ida nee kona-ba finansiamentu inovativu no investimentu iha setor agrikultura no ai-han. apoiu tékniku no transferénsia teknologia, sei sai fator krusiál atu acelera prosesu transformasaun iha kontestu nasionál timor-leste nian.

Timor-Leste mos sublina importánsia saúde animál liu-liu iha prevensaun no kontrolu moras animál iha fronteira. servisu veterináriu, sistema vigilánsia, no kooperasaun rejional importante tebes atu proteje moras animal no seguransa alimentár

Aleinde nee, governu mos destaka importánsia koperasaun ho parseiru estratéjiku regional asean no internasionál, inklui FAO, Food and Agriculture Organization, atu promove inovasaun, hasa’e kapasidade institusionál, no asegura jestaun rekursu naturál ne’ebé efisiente no sustentável.

Iha konferénsia, delegasaun Timor-Leste sei realiza mos enkontru bilateral ho parseiru sira seluk husi nasoen resional no Pasifico hodi esplora oportunidade kooperasaun iha área agrikultura, peska, pecuária no floresta. Inisiativa ida ne’e importante atu hametin relasaun diplomátika no aumenta apoiu ba dezenvolvimentu nasionál.

Partisipasaun Timor-Leste iha fórum ida ne’e reafirma komitmentu IX Governo constitusional atu kontinua servisu hamutuk ho komunidade internasionál hodi asegura seguransa alimentár, hasae produtividade no promove bem-estar povu Timor-Leste.