Manila, loron 22 Abril 2026-Sekretáriu Estadu ba Formasaun Profisionál no Empregu, Sua Exelénsia Rogério Araújo Mendonça L.Ed, hamutuk ho delegasaun husi Timor-Leste ne’ebé akompaña husi Embaixador Timor-Leste iha Filipina, Sr. Marciano O.G da Silva, halo sorumutu importante ho Departementu Serbisu Imigrasaun Filipina,OIC,Secretary Sra.Dominique Rubia-Tutay

Iha sorumutu ne’e, parte rua fahe esperiénsia no koalia kle’an liu konaba preparasaun programa reintegrasaun ba traballadór Timor-oan. Diskusaun fó énfase ba seguransa sosial, liu-liu kona-ba akordu internasionál ne’ebé garante direitu traballadór Timor-oan atu asesu ba benefísiu seguransa sosial bainhira sira fila husi nasaun ne’ebé sira servisu.

Parte rua mós fó atensaun ba TVET (Technical and Vocational Education and Training), hanesan mekanismu importante atu fó kapasidade no habilidade ba juventude. Filipina hanesan nasaun ne’ebé implementa sistema TVET di'ak tebes, no Timor-Leste bele aprende husi esperiénsia ne’e atu fó oportunidade formasaun ne’ebé relevante ba merkadu traballu.

Tuir planu, Imigrasaun Filipina sei akompaña Ministru nia vizita ofisiál mai Timor-Leste iha tempu tuir mai.

Vizita ne’e sei fó konsiensia ba ASEAN nian, liu-liu kona-ba programa reintegrasaun traballadór no kooperasaun internasionál iha área empregu.

Timor-Leste no Filipina fó prioridade ba kooperasaun iha área empregu, seguransa sosial, no formasaun profisionál, hanesan parte husi esforsu atu fó proteksaun no oportunidade di'ak ba traballadór Timor-oan.