Dili, loron 23, fulan Abril, Tinan 2026 - 𝗦𝗲𝗸𝗿𝗲𝘁𝗮́𝗿𝗶𝗮 𝗘𝘀𝘁𝗮𝗱𝘂 𝗯𝗮 𝗙𝗼𝗿𝗺𝗮𝘀𝗮𝘂𝗻 𝗣𝗿𝗼𝗳𝗶𝘀𝘀𝗶𝗼𝗻𝗮𝗹 𝗻𝗼 𝗘𝗺𝗽𝗿𝗲𝗴𝘂 (𝗦𝗘𝗙𝗢𝗣𝗘 ) liu husi Diresaun Nasional Empregu Estranjeiru, nebe’e lidera husi Xefe Gabinete, Sr. Jacinto Ribeiro Dias, representa Sekretáriu Estadu ba Formasaun Profisional no Empregu, akompaña husi Diretor Interinu, atual hanesan Xefe Departemento Deslokasaun, Sr. Alarico Fernandes, Iha salaun Timor Lodge.

Iha serimonia despedida ida ne’e Xefe Gabinete nebe’e representa Sekretáriu Estadu ba Formasaun Profisional no Empregu (SEFOPE ) husik hela diskursu ba taraballador no familia katak, sempre akontese serimonia despedida ida ne’e, para Estadu nafatin fo hanoin ba traballador atu nune’e ba ho prinsipiu no ba ho responsavelidade, tamba ne’e mak iha imi nia juramentu temi representa nasaun no povu la representa familia, se’e imi representa Nasaun ho povu maka iha imi nia ulun hafutar ho bandeira RDTL, no imi ba hanesan dotor atu buka ai moruk hodi kura ekonomia familia no Nasaun nian, imi ba hanesan empregu atu rejolve dejempregu iha ita nia rain rasik, no lia menon husi Esselensia nian nebe’e hameno ba traballador mak ”moris iha Sistema, no labele lao ses husi Sistema, atu nune’e imi bele’e fila ho Sistema no ba fila fali ho Sistema, i labele hanoin atu aplika arte marsiais iha ema nian rain tamba imi ba iha objektivu ida atu ba servisu no buka osan hodi bele fila mai hosi hadia moris iha imi nian familia uma laran no ba ita nian Nasaun ida ne’e”.

Sekretáriu Estadu SEFOPE ninia pollitika hanesan ponte, oinsa ita bele ba ho maneira nebe’e mak tenki tama iha ormatan bo’ot ho hanaran Governo, signifika katak husi ita boot sira estadu deposita komfiansa atu nafatin mantein dignidades nasaun nia iha ema nian rain tamba ne'e mak estadu tau ninia reprejenta ita boot sira ba sai mos hanesan embaixador ekonomia iha ema nian rain, tamba sua Esselensia husu ba ita boot sira liliu ba foun atu estuda no banati tuir sira tuan nebe'e mak ba mai, dalan atu ba mai mak ; disiplina, mentalidade, responsavelidade, moral, ne’e mak inportante, situasaun saida deit labele hanoin no koko sai husi sistema tamba Governu iha, Estadu iha atu rejolve, Xefe Gabinete mos husu ba traballador sira atu nafatin iha orasaun no saude diak, vontade iha, espiritu iha, mentalidade no nafatin iha ligasaun ho familia tamba imi ba hanesan dotor para atu kura ekonomia familia, dehan (Xefe Gabinete).

Depois de breves palavras husi Xefe Gabinete, Diretór Interinu, Sr. Alarico Fernandes. hato’o relatorio badak relasiona ho aktividades ba loron ohin nian, ho nune’e Traballdor nain 44, kompostu maioria mane, no sei ba servisu iha (Area Peskas) husi Area peskas ne'e Jeral hamutuk 44.