Asuntu : Sekretariu Estadu Inagura Sentru Formasaun Aged Care iha Munisipiu Aileu. Aileu loron 11, fulan-Setembru, tinan 2025, Sekretariu Estadu ba Formasaun Profisionál no Empregu, Sua Exelénsia Rogério Araújo Mendonça L.Ed, hala'o inagurasaun ba senrtu formasaun Aged care iha Munisípiu Aileu ne'ebé mak konstrui husi Sentru Nasionál Formasaun Profisionál Becora. Durante diskursu Sekretariu Estadu hateten, governu Timor-Leste hato'o agradese wain ba Governu Austrália ne'ebé mak sempre apoiu governu Timor-Leste. "Lori IX governu nia naran liu husi SEFOPE hakarak hato'o agradese ba governu Australia liu husi DFAT ne'ebé mak suporta ona orsamentu husi DBS hodi halo konstrusaun sentru formasaun Aged Care ida ne'e, ho nune'e ohin ita finaliza," dehan Sekretariu Estadu. Aliende ne'e sekretariu Estadu fundamenta katak, politika Governu nian oinsá mak bele kria kondisaun ida ne'ebé di'ak ba Jovem sira no tuir saida mak merkadu traballu husu no presiza. "Sentru formasaun ida ne'e harii tanba merkadu traballu husi rai liur presiza barak liu, hahu husi tinan 2012 mai to'o ohin loron, entaun politika governu nian mak oinsá kria kondisaun hodi kapasita jovem sira hodi hasa'e abilidade iha nivel semi skill ba to'o skill," Sekretariu Estadu hateten. Iha serimónia ba inagurasaun ne'e marka prezensa husi Governu Austrália liu husi Primeira Sekretaria Embaixada Sra. Penny Roberts, Prezidente Autoridade Aileu, Komisariu PDHJ, Prezidente ALFAESA, autoridade Lokal no formadór no Formandu sira.
Data Publica : 15 Sep 2025
Descrisaun :
