Aileu, 25 abríl 2026 - Sua Exelénsia Ministra Edukasaun Dra. Dulce de Jesus Soares ho Administradór Postu Administrativu Aileu Vila Sr. Henrique de Deus akompaña ekipa pedagójika aprezenta rezultadu teste EGRA (Early Grade Reading Assessment) no EGMA (Early Grade Mathematics Assessment) ne'ebé ekipa pedagójika husi Ministériu Edukasaun halo ba estudante sira iha eskola hotu iha munisípiu Aileu.

Iha abertura, Sua Exelénsia Ministra Edukasaun Dra. Dulce de Jesus Soares hateten, ohin lorokraik halibur malu iha fatin ida-ne'e atu haree no rona aprezentasaun ba avaliasaun literasia no numerasia fundasionál ba klase ida to'o tolu iha ensinu báziku.

"Teste ida-ne'e hala'o ho objetivu ida de'it, atu haree to'o ne'ebé nível literasia no numerasia husi estudante sira hotu iha ensinu báziku, espesialmente ba estudante klase ida to'o tolu", S.E. Ministra Esplika.

Nune'e iha aprezentasaun ne’e hetan partisipasaun husi Sua Exelénsia Ministra Edukasaun Dra. Dulce de Jesus, Administradór Postu Administrativu Aileu Vila Sr. Henrique de Deus, Vise - Prezidente Sra. Domingas Belo Amaral Mendes, Ekipa Pedagójika, Mentór, Diretór no koordenadór Eskola sira iha munisipiu Aileu.

#EliasdaCosta

#MédiaME