Dili, 27 abríl 2026 - Sua Exelénsia Ministra Edukasaun Dra.Dulce de Jesus Soares ho Sua Exelénsia Prezidente Repúblika Dr. Ramos-Horta nomós Komisaun Organizador sira ko'alia kona-ba preparasaun ba reuniaun ministros da Educação iha Comunidade dos Paises da Lingua Portuguesa ka (CPLP) ne'ebé sei hala'o iha Timor-Leste durante loron rua hahú iha loron 06 to'o 07 fulan maiu tinan 2026.

Hafoin remata reuniaun, Sua Exelénsia Ministra Edukasaun Dra.Dulce de Jesus Soares ba Jornalista sira hatete, ohin, Ministériu Edukasaun hamutuk ho komisaun organizadora mai atualiza ba Prezidente Repúblika kona-ba preparasaun sira nomós husu Prezidente Repúblika atu bele fó mensajen ruma ba reuniaun refere.

" Atividade ne'e sei hala'o husi loron 04 ho reuniaun nomós semináriu internasionál ida kona-ba Alimentasaun Eskolár ne'ebé sei mai husi peritu sira iha nasaun CPLP ne'ebé eskolla husi sekretariadu CPLP nian", Tenik S.E. Ministra.

Lider Másima Edukasaun ne'e esplika, iha loron 05 fulan maiu mós sei iha selebrasaun boot ida iha Timor kona-ba loron internasionál da Lingua Portuguesa nomós kultura CPLP nian.

Reuniaun ho ministros da Educação das Nações de CPLP no seminariu ne'e mós sei ko'alia kona-ba Educação, Valores Democraticas e Participação Civica, Caminhos Para o Fortalecimentos das Sociedades de CPLP.

#EliasdaCosta

#MédiaME