𝐁𝐚𝐮𝐤𝐚𝐮, 𝟐𝟓/𝟎𝟒/𝟐𝟎𝟐𝟔; Vise-Ministru ba Operasionalizasaun Ospitál (VMOH-sigla portugés), dr. Flávio Brandão Mendes de Araújo partisipa iha atividade kampaña saudavel ho tema “Moris Saudavel, Família Forte” hodi fo konsulta gratuita ba komunidade hamutuk 539 no fahe Olku ba komunidade iha Suku Gurusa, Postu Administrativu Kelikai Antigu, Munisípiu Baukau.

Objetivu husi kampaña ne’e mak atu halo:

- Edukasaun saúde: Fahe informasaun kona-ba prevensaun moras la hada’et hanesan diabetes, tensaun aas, no moras fuan.

- Konsulta gratuita: Médiku sira fó konsulta, check tensaun, no teste ran ba komunidade.

- Promove hahán nutritivu: Hasa’e konsiénsia kona-ba importánsia ai-han lokál no hamenus konsumu masin-midar barak.

- Estilu moris ativu: Konvida komunidade halo ezersísiu fiziku hamutuk.

Atividade kampaña ne’e organiza husi Ministru Kordenadór Asuntu Sosiál (MCAS) servisu hamutuk ho Asosiasaun Médikus Timor Leste (AMTL) no hetan partisipa másimu husi Ministru Kordenador Assuntus Sosiais (MCAS), Eng. Mariano Assanami Sabino, Prezidente no Sekretariu Jeral AMTL, PAM Baukau, APA Kelikai, Xefe Suku no Aldeia, Estudante no komunidade Kelikai-oan.