Díli-Sexta 24/04/2026

S.E. Vise-Ministra Finansa, Sra. Regina de Jesus de Sousa, akompaña husi Diresaun Jerál Mobilizasaun Rekursu Externa (DGMRE) Sr. Francisco da Silva, halo Reuniaun ho Banku Dezenvolvimentu Aziátiku (ADB) Sra. Stefania Dina, hodi diskute kona-ba implementasaun no planeamentu programa dsezenvolvimentu Timor-Leste ba períodu 2026-2029, iha auditorium Ministériu Finansas, Aitarak-Laran.

Objetivu atu diskute no aprofunda liu tan kooperasaun entre Governu Timor-Leste no Banku Dezenvolvimentu Aziátiku (ADB), liu-liu planeamentu implementasaun programa dezenvolvimentu ba períodu 2026-2029.

Governu Timor-Leste ho ADB diskute prioridade estratéjiku sira ne’ebé aliña ho planu dezenvolvimentu nasionál, inklui setór infraestutura, servisu públiku, no fortalesimentu kapasidade institusionál.

Enkontru aborda kona-ba avaliasaun progresu projetu sira ne’ebé iha, inklui identifikasaun dezafiu sira iha terrenu no uza maneira oinsa atu solusiona ne’e presiza atu hadi’a implementasaun iha futuru, parte sira konkorda atu kontinua hametin mekanizmu monitorizasaun no avaliasaun hodi garante katak objetivu programa sira bele atinji tuir planu.

Governu Timor-Leste liuhusi Minitériu Finansas kontinua hatudu nia komprimisu forte atu haburas kooperasaun ho parseiru internasional hanesan Asian Development Bank (ADB), hodi asegura dezenvolvimentu nasionál ne’ebé susténtavel, inkluzivu no orientadu ba rezultadu.

#Foto #Ekipa #Media #Ministeriufinansas