Nu’udar parte husi esforsu hodi rona direitamente preokupasaun foinsae sira-nian, Membru Parlamentu Foinsae Nian (PFN) hala’o ona estudu vizita durante loron tolu iha Suku Leo-hitu, Postu Administrativu Balibo.

Iha vizita ne’e, PFN sira foka ba área prinsipál lima:

Edukasaun

Saúde

Empregu no Empregabilidade

Violénsia no Krimi

Partisipasaun Sívika

Reprezentante MJDAK, Sr. Martinho Araujo da Costa, subliña katak programa ne’e importante tebes atu fó espasu ba foinsae sira (idade 12-17) hodi aprende kona-ba lideransa no análize sosiál, hodi prepara futuru ne’ebé di’ak liu ba nasaun.

Xefi Suku Leo-hitu, Sra. Santina da Silva, agradese ba ekipa tanba rona direitamente aspirasaun komunidade nian, liuliu kona-ba nesesidade kria sentru formasaun atu hasa’e konesimentu foinsae sira-nian iha área lian no abilidade téknika.

Atividade ne’e la’ós de’it rekolla dadus, maibé mós oportunidade ida ba membru PFN sira atu observa direitamente dezafiu sosiál sira iha área fronteira.

Governu Timor-Leste nafatin komprometidu atu apoia juventude hodi dezenvolve sira-nia potensial tomak!

Lee detallu notísia ne’e iha portal ofisiál MJDAC liuhusi link tuir mai: > https://mjdac.gov.tl/.../6ea2ef7311b482724a9b7b0bc0dd85c6/

#MJDAK #ParlamentoFoinsae #JuventudeTL #LeoHitu #Balibo #TimorLeste #Dezenvolvimentu