Sua-Exelénsia Ministru Asuntu Kombatentes Libertasaun Nasionál (MAKLN), 𝐆𝐢𝐥 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨 “𝐎𝐚𝐧-𝐒𝐨𝐫𝐮”, hamutuk ho Primeiru-Vise Prezidente Conselho dos Combatentes da Libertação Nacional (CCLN), Jenerál João Miranda “ALUC – Descartes”, realiza enkontru ho família Saudozu Komandante David Alex “Daitula”, iha sala reuniaun CCLN, Comoro-Dili, Tersa (28/04/2026).

Reuniaun ne’e toka liu kestaun sira kona-bá ruin hosi Saudozu Komandante “Daitula” nian inklui Saudozu sira seluk ne’ebé dadauk ne’e konserva hela iha Hospitál Nacional Guido Valadáres (HNGV), Bidau-Dili. Parte Governu ho família diskute no halo hela preparasaun atu translada restos-mortais sira ne’e bele bá haloot iha Jardím dos Herois e Mártires da Pátria Metinaro.

Totál restos-mortais ne’ebé submete bá prosesu teste DNA, alokasaun Patolójia HNGV nian mak hamutuk 16. Saudózu sira ne’ebé identifikadu iha na’in-11 mak hanesan, Afonso Redentor, Matias Meteus Benevídes “Soi-Mali”, David Alex “Daitula”, José da Costa “Mauhudu”, João Aniceto da Conceição “Raku-Laku”, José Martins “Funuk”, Feliz Sampaio Marçal, Valentino Rodriguês “Bere-Malay Latxa” ho kargu Asistente Polítiku Ponta-Leste, Aquilhes Freitas Soares, João Teodoso, Fonciano dos Santos “Mau-Serik”, inklui Saudózu na’in-5 seluk ne’ebé seidauk halo identifikasaun.

(𝐌𝐞́𝐝𝐢𝐚 𝐆-𝐌𝐀𝐊𝐋𝐍)