Dili, 29 Abril 2026; Vise-Ministru ba Operasionalizasaun Ospitál ( VMOH-sigla portugés), dr. Flávio Brandão Mendes de Araújo partisipa no halo abertura ba serimónia entrega "infraestrutura integradu ba klima matenek iha fasilidade saúde, eskola no sentru komunidade iha TL"

Programa ne'e, parte ida husi programa KOICA nian no implementa husi UNICEF ho objetivu atu fornese servisu sosiál no infraestrutura sira ne'ebé matenek kona-bá klima ne'ebé proteje labarik no komunidade sira husi impaktu mudansa klimátija.

"Onra ida ba ha'u atu hamutuk ho ita boot sira iha serimónia entrega ida ne'e iha suku Hera, hodi marka kompletamentu ho susesu inisiativa infraestrutura integradu ba klima matenek importante ida ne'e", dehan VMOH.

Intervensaun ida ne'e reprezentante pasu signifikativu ida ba oin hodi hametin prestasaun servisu saúde esensiál sira iha nível komunidade. Instalasaun mini-rede solár ne'ebé konfiável garante fornesimentu eletrisidade kontinua ba postu saúde ne'ebé krítiku ba manutensaun servisu esensiál sira hanesan armazenamentu vasina, kuidadu saúde inan-labarik no resposta emerjénsia.

Aleinde ne'e, instalasaun bee, saneamentu no ijiene ne'ebé hadi'ak ona kontribui maka'as ba prevensaun no kontrolu infensaun hodi kria kondisaun sira ne'ebé seguru no dignu liu ba pasiente no traballadór saúde sira no hasa'e kualidade kuidadu nian iha jerál.

Ami hakarak hato'o ami nia apresiasaun sínseru ba UNICEF, Governu Repúblika Korea, no KOICA, ba sira nia parseria ne'ebé metin no apoiu kontinua hodi halo inisiativa ida e'e sai posivel.

Serimónia ne'e hala'o iha Hera no partisipa másimu husi Reprezentante UNICEF iha Timor Leste, Diretora Nasionál KOICA, reprezentante liña ministeriu sira, Estudantes no komunidade.