𝐃𝐢𝐥𝐢, 𝟐𝟒 𝐀𝐛𝐫𝐢𝐥 𝟐𝟎𝟐𝟔 | Sua Eselénsia Sekretáriu Estadu Pekuária (SEPE), 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨, 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏 hala'o enkontru ho delegasaun husi 𝐔𝐧𝐢𝐭𝐞𝐝 𝐒𝐭𝐚𝐭𝐞 𝐨𝐟 𝐀𝐦𝐞𝐫𝐢𝐜𝐚 (𝐔𝐒𝐀), 𝐏𝐨𝐮𝐥𝐭𝐫𝐲 𝐚𝐧𝐝 𝐄𝐠𝐠 𝐄𝐱𝐩𝐨𝐫𝐭 𝐂𝐨𝐮𝐧𝐜𝐢𝐥 (𝐔𝐒𝐀𝐏𝐄𝐄𝐂), reprezentante sira husi ASEAN no mós produtór no komersiante sira husi Estadus Unidus Amérika, ho objetivu atu hametin relasaun komersiál no identifika oportunidade ba kooperasaun iha setór manu iha Timor-Leste, iha Salaun Uma Adat Ministériu Agrikultura, Pekuária, Peska no Florestas (MAPPF), Comoro, Dili, Timor-Leste.

Durante enkontru ne’e, diskute kona-ba tópiku sira ne’ebé relasiona ho aumentu esportasaun produtu manu Estadus Unidus nian ba rejiaun ne’e, inklui kestaun sira kona-ba kualidade, seguransa ai-han, no kumprimentu ba padraun internasionál sira.

Delegasaun EUA aprezenta nia kapasidade produsaun, konfiabilidade hosi nia kadeia fornesimentu, no kompetitividade hosi nia produtu sira iha merkadu internasionál.