𝐃𝐢𝐥𝐢, 𝟐𝟖 𝐀𝐛𝐫𝐢𝐥 𝟐𝟎𝟐𝟔 | Ministériu Agrikultura, Pekuária, Peska no Florestas (MAPPF), liu-husi Sekretáriu Estadu Pekuária (SEPE), Diresaun Jerál Pekuaria no Veterinária (DGPV, sigla Portugés), Diresaun Nasionál Pekuária (DNP), Diresaun Nasionál Veterinária (DNV) no Diresaun Nasionál Teknolójia no Prosesamentu Produtus Pekuária (DNTPPP) halo soromutu Koordenasaun kona-bá apoiu servisus tékniku nian ho objetivu, hamutuk dezenvolve setór pekuária iha Timor-Leste, ne'ebe realiza iha Salaun Uma Adat, MAPPF, Comoro, Dili

Iha intervensaun Sua Eselénsia Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨, 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏 apresia ba partisipasaun kompanias privadus, tamba ba dezenvolvimentu setór pekuária iha Timor-Leste presiza hotu-hotu nia envolvimentu, dezafius no obstáklu ne'ebe hasoru só tur hamutuk, servisu hamutuk, lian ida deit maka ita bele rezolve.

Ministériu Agrikultura, Pekuária, Peska no Florestas (MAPPF), liu-husi Sekretáriu Estadu Pekuária (SEPE) nafatin sempre fó asisténsia téknika wainhira iha pedidu apoiu téknika hosi kompanias.

Soromutu koordenasaun ida ne'e hetan akompaña mós husi Sua Eselénsia Ministru Agrikultura, Pekuária, Peska no Florestas (MAPPF) 𝐄𝐧𝐠. 𝐌𝐚𝐫𝐜𝐨𝐬"𝐌𝐚𝐦𝐞𝐭𝐚" 𝐝𝐚 𝐂𝐫𝐮𝐳 inklui funsionáriu sira husi Diresaun ne'ebe tutela ba Diresaun Jerál Pekuária no Veterinária (DGPV, sigla portugés).