Manatuto: 24 Abril 2026, Ministériu Agrikultura Pekuária Peskas no Floresta (MAPPF) liu husi Diresaun Nasional Extensaun Formasaun Agrikola (DNEFA) kontinua fo formasaun ba jovem agrikultór sira, atu bele kapasita sira nia a’an iha area Agrikultura. Foin lalais ne’e

Diretór Jeral Agrikultura Café Plantas Industria (ACPI) Martinho Laurentino Soares ofisilamente halo Abertura Formasaun 2 Turnu ba Foinsa’e Agrikultura Iha Natarbora Posto Admnistrativo Barique Munisipio Manatuto.

Iha Diskursu Diretór Jerál (ACPI) Martinho Laurentino Soares, ne’ebé reprezenta Ministru MAPPF esplika, Timor iha rai bokur barak maibe barak mak sei abandona, tanba ne’e formasaun ne’e hanesan oportunidade diak ba alin sira liu liu sira ne’ebe iha interese atu aprende.

Ministério mós durante ne’e halo esforsu barak ba Timor oan balu ba rai liur liu liu iha Israel ba aprende servisu barak iha ne’eba, sira ne’ebé fila mai barak mos hahu halo sira nia negosiu iha setor agrikultura, tanba ne’e ba imi sira ne’ebé iha oportunidade iha interese atu aprende buat ruma iha ne’e oportunidade ba imi bele aprende buat ruma liu hosi treinamentu ne’e. katak DJ

Iha fatin hanesan Diretór DNEFA Januario Marçal hatutan, Formasaun ne’e ba segundu faze iha primeiru faze iha formandu hamutuk 30 mai husi munisípiu 5, ba segundu faze ninian ema nain 27 mai husi munisípiu 4, maioria Aileu, Ainaro, Manatuto no Dili. Tuir rekezitu programa ne’ebe maka ita rezistu iha INDIMO iha ne’e sei to’o fulan 6 ho programa rua hanesan Agropekuaria no Hortikultura ne’ebé sei foka liu ba teoria 25% no pratika 75%.

Iha Fatin Hanesan Formador Cerilo Viera Sarmento esplika Objetivu husi formasaun ida ne’e atu forma ita nia joven sira atu nune’e sira bele hetan koñesimentu tékniku liu liu iha area Agrikultura nian. ami sei estabelese formasaun ne’e iha aktividade 2 hanesan Hortikultura no Pekuaria, ida ne’e maka materia importante ne’ebé ita atu fo formasaun ba formandu sira iha sentru formasaun agrikola liu liu iha Natarbora ne’e.

Aleinde ne’e mos Diretór Nasional Extensaun no Formasaun Agrikola hasoru malu ho ekipa China Aid hodi koa’lia kona ba dezenvolvimentu agrikultura modernu, no mos ba parte pekuaria nian hodi aumenta produsaun lokál no seguransa alimentar.

Seremonia ne’e partisipa husi Reprezentante PAM Administrador Postu Barique, Komandante Eskuadra PNTL Natarbora, Reprezentante Sec. Estado Pecuaria, Diretora Fimansas MAPPF, INDIMO, China Aid, Dsam Manatuto, Reprezentante Dsam Aileu no Ainaro. (ekipa DMEA)