Dili, 30-04-2026—Xefe Departamentu Empoderamentu Ekonómika Feto, Sr. Hendrique da Silva, akompaña husi Asesora husi PROSIBU ba Asuntu Abordajen Integradu Jéneru, Sra. Paula Maya no Funsiunariu Tékniku husi Departamentu Empoderamentu Ekonómika Feto-SEI, hala’o Enkontru ho Ekipa husi Ministériu Juventude Despostu, Arte no Kultura, ne’ebé mak lidera husi Diretór-Jerál Desporto, hodi ko’alia kona-ba Halibur Dadus Progresu Implementasaun Deklarasaun Maubisse Faze Datoluk, ne’ebé mak organiza husi SEI, iha Salaun Enkontru KRAM, MJDAK.

Objetivu husi Sorumutuk Enkontru ne’e mak, bele hare’e liu-liu oinsa mak ita bele halibur dadus ba implementasaun Deklarasaun Maubisse, Relatório ida ne’e ita sei prepara ba relatório mediu praju nian hahu husi tinan 2023-2025, nune’e MJDAK hanesan Ministéiru save ida ba implementadór, tanba koa’lia kona-ba asuntu desportu, juventude no mós ho asuntu Arte Kultura nian.Ita hatene katak, Deklarasaun Maubisse iha faze ba Datoluk nian, ne’ebé hahu nia implementasaun iha tinan 2023 to’o 2028, nune’e iha tinan ida ne’e ita halo hela preparasaun ba iha elaborasaun ba relatório mediu praju nian husi tinan 20203 to’o 2025,

Objetivu segundu mak atu avalia fila fali ita-nian implementasaun ba Deklarasaun Maubisse, ita implementa durante tinan tolu ona, nune’e ita presiza hala’o avaliasaun fila fali hodi hare’e fila fali progresu no dejafiu sira, progesu ne’ebé mak ita atinji iha tinan tolu nia laran bele sai hanesan sasukat ida ba iha implementasaun iha tinan rua oin mai.Identifika dejafiu no lakuna sira, ho hanoin elabora relatório mediu praju nian ne’e it abele hare’e fila fali dezafiu no mós lakunas sira ne’ebé mak ita hasoru iha tinan tolu nian laran ne’e iha dezafiu ruma ne’ebé maka ita-nia atividade sira labele la’e ho di’ak, nune’e ita bele hatene no mós bele hadia fila fali iha tinan 2027 no 2028.

Ikus liu mak iha relatório ne’e sai hanesan evidensia ida atu bele hare’e fila fali ba planeamentu ba iha tinan rua tuir mai, tanba tinan 2026 mak ita lao hela no sei iha tinan 2027 no 2028, ida ne’e mós bele sai hanesan evidensia liu-liu ba progresu no dezafiu ne’ebé mak ita hetan atu bele ajuda no tulun ita atu dezenvolve fali planu id aba fali iha tinan 2027 no 2028.

Alende ne’e iha enkontru refere iha mós aprezentasaun husi Xefe Departamentu Empoderamentu Ekonómika Feto-SEI, Sr. Hedndrique da Silva, kona-ba Formatu Rekolla Dadus ba AtividadesImplementasaun Deklarasaun Maubisse Faze Datoluk tinan 2023 to’o 2028.

#Média-SEI#