Dili, 04 Maiu 2026 — Ministru Komérsiu no Indústria, ne’ebé hanesan Ministru interinu ba Dezenvolvimentu Rural no Habitasaun Komunitária no Ministru Ensinu Superior, realiza enkontru ida ho Direjente, kargu xefia sira, Xefe Gabinete no asesór sira iha VPM-II nia kna’ar fatin Palaçio do Governo.

Enkontru ne’e atu reforsa koordenasaun interna, avalia progresu servisu no define prioridade estratéjiku ba implementasaun programa sira, tuir definisaun no planu kada área ne’ebé estabelese ona.

Alende ne’e, enkontru ne’e mós tau énfase importante ba oinsa atu kontinua hametin liña koordenasaun iha funsionamentu servisu sira ne’ebé durante ne’e lao ona iha ministériu, atu nafatin lao tuir korredór no prosedimentu ne’ebé vigora, atu nune’e bele asegura kontinuidade no efisiénsia, liuliu iha implementasaun projetu Uma Dignu no atividade regular sira ne’ebé mak lao hela iha ministériu ne’e.

_Media MCI