DÍLI, 04 Maiu 2026: 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, ohin Segunda-feira, halo abertura treinamentu ba Corpu Içar Bandeira Nasional (CIBN), hodi Komemora loron Restaurasaun Independénsia Timor-Leste nian iha 20 de Maiu 2026, atividade ne’e iha Excelsior Resort Hotel, Pantai Kelapa.

Iha seremonia abertura SEATOU husu ba membru CIBN sira, tenke prepara mental no fíziku hodi prontu hasoru kualker situasaun durante treinamentu, membru foun sira tenke fó konsentrasaun másimu no haka’as an banati tuir disiplina kona-ba regra ne’ebé inspetór sira hanorin, nune’e bele fó rezultadu diak iha loron komemorasaun restaurasaun independénsia 20 de maiu tinan ne’e.

Formasaun ne’e sei foka liuba Tékniku sira marxa ho presizaun no kaer bandeira; Koordenasaun no disipliña ekipa nian; Protokolu serimónia ba eventu nasionál sira; Preparasaun fíziku no tempu; Resposta emerjénsia no ezijénsia seguransa nian.

Membru CIBN 2026, hetan Selesaun hosi estudante sekundária nain 77, hamutuk ho difisiente nain rua, inklui mós membru F-FDTL, PNTL, ekipa tékniku sira husi Ministériu Administrasaun Estatál, reprezentante sira husi Ministériu Saúde no ekipa CIBN nian.