Dili, 03 Maiu 2026

Ministru Transportes no Komunikasaun, Eng.Miguel Marques Gonçalves Manetelu domingu ne’e halo inspesaun bá kontinuasaun servisu projetu espansaun konstruksaun pista iha Aeroportu Internasionál Prezidente Nicolau Lobato Komoro Dili.

Dadaun ne’e kontratór hahú ezekuta servisu iha terenu ho fazeadamente tuir zona ne’ebé identifikadu ona no zona servisu dadaun ne’e mak Zona 4B “Paralel Taxiway”. Entretantu kontinuasaun servisu tuir mai mak servisu iha Zona 1 to’o 3 kona-bá demobilizasaun uma no aihoris sira ne’ebé hetan ona kompensasaun hodi permite servisu expansaun pista no posibilidade bá zona 4A kontinuasaun parallel taxiway no apron foun.

Tamba ne’e, antes termina inspesaun servisu konstrusaun nian, Ministru mós halo inspesaun no observasaun bá fasilidade ezistentes sira no koordena ho ANATL kona-bá re-alokasaun fasilidades ezistentes nomos koordena kontinuasaun servisu iha zona sira ne’ebé laiha impedimentus bá konstrusaun nian.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊