Dili, 04 Maiu 2026

Governu liuhusi Ministru Transportes no Komunikasaun, Eng.Miguel Marques Gonçalves Manetelu ofisialmente selebra kontratu ho Chair no CEO bá Vorakai Lda, Tammy Kassiou iha Gabinete Ministru Kaikoli Dili.

Asina kontratu ne'e Ministru Manetelu akompaña husi Diretór Nasionál Infraestrutura Komunikasaun, Ambrosio Amaral, Diretór Nasionál Aprovizionamentu, Pascoal Couto no Asesór IT Savio Roomy, iha sorin seluk Chair nomos CEO bá Vorakai Lda, Tammy Kassiou akompaña husi CEO Vorakai.LDA Jecry Carceres Marçal, CFO Vorakai, Indrisiyah Sagran, IT Vorakai, LDA, Rosito dos Santos.

Vorakai Lda iha kooperasaun servisu ho Ministériu Transportes no Komunikasaun (MTK) hodi apoia dezenvolvimentu dijitál iha Timor-Leste.

Parseria Estratéjiku MTK, liuhusi lideransa husi Ministru Manetelu, foka hela bá programa habelar konetividade internet iha territóriu nasionál.

Asesu bá Suku sira ida ne’e Inisiativa ida ne'ebé ho objetivu hodi fasilita sede suku sira, atu bele asesu ba internet ho kualidade aas, liuliu liuhusi teknólojia satélite Starlink ne'ebé Vorakai mak sai parseiru ofisiál.

Dezenvolvimentu Infraestrutura: Servisu ida ne'e halo parte husi vizaun boot governu nian hodi hamenus gap dijitál entre sidade no área rurais sira, hodi nune'e administrasaun suku bele la'o ho efisiente liután.

Oras ne’e dadaun sedu suku hamutuk atus haat lima nulu (450) iha teritóriu nasionál mak instala ona antena STARLINK nia liuhosi servisu hamutuk ho minsitériu administrasaun estatal bazeia bá pedidu husi Ministru MAE husu atu konekta liña internet bá sede suku sira iha teritóriu Timor Leste liuhusi instalasaun ne’e garanti liña bá asesu sistema “sigsa” (sistema integradu gestaun suku no aldeia) no koneksaun hirak ne’e mós sei hala’o temporáriu no wanihira tinan ne’e Diresaun Nasionál Infraestrutura no Komunikasaun (DNIK) dada backbone fibra husi kapitál munusípiu bá postu administrativu iha teritóriu nasionál ho distansia porvolta 1500 km, tuir dalan sei konekta kedas infraestrutura fiu fibra optika bá eskola públiku, klinika no sentro saúde inklui sede suku sira ne’ebé mak iha estrada ninin, no antena starlink ne’ebé mak konta sei desaktiva fali hafoin konekta fibra optika.

Sistema servisu bá rede stralink ne’ebé mak monta koneksaun integradu mai rede NCP liu husi VPN lokál ho nune’e DNIK bele kontrola rede ne’ebé mak konekta.

Sistema VPN ,lokál ne’e mós asegura koneksaun integradu governu nian ho hanesan. GRP, DBFT, DBRI, SIGAPNET, sistema servisu notariadu no seluk tan.

Dnik iha programa ida ho naran Teknolojia Informasaun no komunikasaun, iha sub programa ida mak fornesimento de comunicações eficientes fiáveis seguras e acessíveis ao governu com uma capacidade suficiente. Husi programa ida ne’e mak dnik nia papel tuir artigu 17 lei organika ministerio transportes no komunikaun hodi asegura konektividades bá instituisaun estadu nian iha teritóriu Timor-Leste.

https://sdi.gov.tl/ministerio/presrealease/create  

𝐌𝐞́𝐝𝐢𝐚 𝐌𝐓𝐊