𝐌𝐢𝐧𝐢𝐬𝐭𝐞́𝐫𝐢𝐨 𝐝𝐚 𝐀𝐠𝐫𝐢𝐜𝐮𝐥𝐭𝐮𝐫𝐚, 𝐏𝐞𝐜𝐮𝐚́𝐫𝐢𝐚, 𝐏𝐞𝐬𝐜𝐚 𝐞 𝐅𝐥𝐨𝐫𝐞𝐬𝐭𝐚𝐬 (𝐌𝐀𝐏𝐏𝐅) liu husi 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬(𝐒𝐄𝐅) 𝐇𝐨 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐂𝐨𝐨𝐩𝐞𝐫𝐚𝐭𝐢𝐯𝐚 (𝐒𝐄𝐂𝐨𝐨𝐩), Hamutuk ho 𝐏𝐫𝐞𝐳𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬𝐢́𝐩𝐢𝐮 𝐌𝐚𝐧𝐚𝐭𝐮𝐭𝐨, Komemora Loron Traballador ho Atividade Kuda Ai-oan iha Projetu AFoCO/026, iha Área Balak, Postu Adm. Manatuto Vila, Munisípiu Manatuto.

Intervensaun 𝐒𝐮𝐚 𝐄𝐱𝐜𝐞̂𝐥𝐞𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒. 𝐇𝐮𝐭, informa Realiza Komemorasaun Loron Mundial Trabalhador ho atividade kuda ai-oan ne'e atu hametin kooperasaun servisu hamutuk entre Secretário Estado Floresta(SEF) ho Secretário de Estado Cooperativa(SECoop) no Autoridade Lokál Munisípiu Manatuto.

"Ohin loron ita hamutuk iha fatin ida ne’e hodi realiza festeza hodi komemora Loron Mundial Trabalhadores nian iha Timor-Leste. Tanba ne'e Hau Agradese ba inisiativa Secretário de Estado Cooperativa (SECoop) ne'ebé bele organiza eventu bo'ot importante ida ne'e oinsa ita bele iha kooperasaun servisu hamutuk hodi dezenvolve ita nia rai" dehan S.E.SEF.

Sua Excêlencia SEF, hateten Nonu Governu Konstitusional iha komitmentu atu servisu hamutuk hodi hametin nafatin kooperasaun servisu ho setór hotu-hotu, nune'e bele dezenvolve politika no programa sira hotu ne'ebé maka hetan ona aprovasaun iha Parlamentu Nasionál.

"Tanba ne’e mak hanesan servisu kooperasaun ida ne’e atu hametin liután servisu ne’ebé mak hanesan iha futuru oin mai, hodi nune’e ita bele hala’o prosesu dezenvolvimentu iha rai ida ne’e, tuir méritu ita nia governu nian oinsá atu ita bele hasa'e kresimentu ekonómia rai laran hodi hadia ita nia povu nia moris ida ne'e mak importante" hateten S.E.SEF.

Sua Excêlencia SEF, deseju hato'o parabéns ba Komemorasaun Loron Mundial Trabalhadores sira hotu iha Timor Laran tomak no iha rai liur. Ho Selebrasaun ida ne'e realiza mós atividade Jogu Amizade entre Autoridade lokál no SECoop no kuda ai-oan atu hametin kooperasaun relasaun serbisu entre Sekretáriu Estadu Kooperativa no Secretáriu Estadu Floresta, no Prezidente Autoridade Lokál Munisípiu Manatuto hodi dezenvolve programa re-florestasaun iha projetu AFoCO/026 iha Balak, Munisípiu Manatuto.

Enkuantu, Partisipa iha Selebrasaun Loron Mundiál Traballador ne'e Secretário de Estado das Florestas(SEF), Secretário de Estado Cooperativa(SECoop), Prezidente Autoridade Munisípiu Manatuto, Komandante PNTL Munisípiu Manatuto, Diretór Geral no Diretór Nasionál sira husi SECoop no SEF, Xefe Gabinete SEF no SECoop, partisipa mós Funsionáriu sira hotu husi SECoop no Funsionáriu sira iha Diresaun Gerál Floresta.