Sekretaria Estadu ba Igualdade (SEI) no Fundu Nasoins Unidas ba Populasaun (UNFPA) iha loron 5 fulan-maiu tinan 2026, iha sala enkontru SEI, Caicoli formalmente asina Akordu Kooperasaun Tekniku.

Akordu ida ne’e marka pasu importante iha Programa país da-lima (2026–2030) husi UNFPA, hodi reforsa kolaborasaun entre parte rua hodi promove igualdade jéneru, empodera feto no labarik-feto, no prevene violénsia bazeia ba jéneru iha Timor-Leste.

Akordu ne’e aliña apoiu tekniku husi UNFPA ho mandatu SEI, inklui implementasaun Planu Asaun Nasional kontra Violénsia Bazeia ba Jéneru (PAN-VBJ) no Planu Estratéjiku SEI 2023–2028, liuliu iha área reforsu sistema kordenasaun no monitoriazaun ba impletasaun PAN-VBG nebe bazeia ba evidénsia.

Akordu ne’e asina husi Sua Execelénsia Sra. Elvina Sousa Carvalho, Sekretária Estadu ba Egualdade ho Sra. Navchaa Suren, Reprezentante UNFPA iha Timor-Leste, no partisipa mós prezensa husi, Ispetora no Auditoria-SEI, Sra. Benigna Maria Amaral, Xefe Gabinete-SEI, Sra. Srilia Tilman Cardoso, Diretora Nasionál Administrasaun no Finansas-SEI, Sra. Apolonia da Cunha, Diretór Nasionál Politika Igualdade Jéneru-SEI, Sr. Abilio Barreto, Diretora Nasionál Dezenvolvimentu Igualdade Jéneru, Sra. Olga da Costa Monteiro, Adjunta Representante UNFPA, Xefe Departamentu, Asesor no funsionáriu/a husi SEI.

Iha ninia diskursu, Sua Execelénsia Sekretária Estadu ba Igualdade afirma “Asinatura Akordu IP ida ne’e reprezenta komitmentu forte no irreversível entre SEI no UNFPA atu transforma realidade iha Timor-Leste, liuhusi fortalese igualdade jéneru, empodera feto no labarik-feto, no halakon violénsia bazeia ba jéneru.”

Asaun ida ne’e reafirma komitmentu forte ba parseria no kolaborasaun atu hametin sosiedade Timor-Leste ne’ebé justu, inkluzivu, no livre husi violénsia bazeia ba jéneru.

# Media SEI#