𝘿𝙞𝙡𝙞, 05 𝙈𝙖𝙞𝙪 2026 – Ministru Komérsiu no Indústria, Sr. Nino Pereira, hasoru malu ho Embaixadór Timor-Leste ba Xina, Sr. Loro Horta, no grupo empresarial Xinesa Dayan Real Estate Group ho Ronghong & Investment.

Grupo empresarial Xinesa sira ne’e hakarak halo investimentu ba rekursu minerál lokál ho kondisaun lokalizasaun Timor Leste nian, no sira mos hakarak kria parke industriál mineiru modernu ne’ebé integra minerál, prosesamentu kle’an, servisu apoiu, seguransa enerjétika, no moris komprensivu.

Ministru Komérsiu no Indústria hateten Governu Timor-Leste liuhosi MCI, sei fasilita no apoio emprezáriu estranjeiru ne’ebe deit hakarak mai halo investimentu iha Timor-Leste nomos sei fó prioridade ba atrasaun investimentu ne’ebé ajuda diversifika ekonomia nasional, kria oportunidade empregu, no hametin relasaun kooperasaun ekonomiku ho parseiru internasionál.

akompaña iha sorumutu ne’e Jestor MCI, asesór prinsipal no adidu Komérsiu iha Xina.

𝙈é𝙙𝙞𝙖 𝙈𝘾𝙄