𝐃𝐢𝐥𝐢, 𝟓 𝐌𝐚𝐢𝐮 𝟐𝟎𝟐𝟔- Ohin, Komisaun Organizadór ba EVEN2U hasoru malu ho Ministru Komérsiu no Indústria, Sr. Nino Pereira, hodi aprezenta programa eventu Tasi Fest, ne’ebé sei hala’o iha loron 29 no 30 fulan Maiu.

Iha enkontru ne’e, ekipa EVEN2U konvida Ministru hodi partisipa iha meet and greet ho artista internasionál Iwan Fals no Calema, ne’ebé sei marka prezensa iha festivál ne’e. Konvite ne’e reforsa knaar Ministériu nian hodi promove inisiativa kulturál no ekonómika ne’ebé valoriza juventude, kriatividade, no interkámbiu internasionál.

Tasi Fest sei hala’o iha tasi-tolu no sei iha múzika, arte, no atividade komunitária sira, koloka an nu’udar plataforma ida hodi selebra kultura Timor nian no hametin ligasaun entre dezenvolvimentu ekonómiku, turizmu, no identidade nasionál.

𝙈é𝙙𝙞𝙖 𝙈𝘾𝙄