05 Maio 2026: Ministériu Saúde (MdS) simu Doasaun Ekipamentu Médiku no Materiál Prevensaun Susuk hosi Fundasaun GX, Iha Salaun Enkontru, Palácio Das Cinzas, Caicoli.

Serimónia ida ne'e hanesan onra no priviléjiu boot atu halibur hamutuk iha ne'e hodi hala'o enkontru no entrega Ekipamentu Pump Infusaun husi Fundasaun GX ba MdS ne'ebé sei fahe ba Ospitál Nasionál Guidu Valadares (HNGV) no Servisu Saúde Munisipiu (SSM) Dili no munisípiu sira seluk.

MdS no Fundasaun GX estabelese ona parseria no kooperasaun iha área Saúde iha Timor-Leste (TL) dezde tinan 2024 to'o agora atu suporta prestasaun servisu saúde iha fasilidade saúde sira iha TL.

Fundasaun GX suporta ona materiál no ekipamentu lubuk ida atu implementa Kontrola Nasionál ba Febre Dengue, hanesan Test Diagnóstika Rapid, Beds Nets, Lampra Mosquitu, Lampra, Trap Aviaun, Materia Edukasaun, Ekipamentu IT, no mákina bee-moos ne'ebé fahe ona ba fasilidade saúde sira iha TL atu hametin sistema saúde nasionál.

MdS mós hato'o agradesimentu no apresiasaun ba Fundasaun GX ba apoiu signifikativu ne'ebé fornese ona ba MdS ne'ebé sei fó benefísiu ba populasaun TL nia saúde.

#MídiaPalácioDasCinzas