04 Maio 2026: Ministra Saúde (MS) dr. Élia A.A. dos Reis Amaral, SH hamutuk ho Ministro Saúde (MS) Brunei Darussalam Dato Seri Setia Dr. Haji Mohammad Isham Bin Haji Jaafar, assina Nota Entedementu Memorandum of Understanding (MoU), Iha Bandar Seri Begawan, Brunei Darussalam.

Objetivu hosi serimónia assinatura nota entendimentu ne’e atu apoiu hadi'ak regulamentu no polítika sira, dezenvolvimentu Rekursu Umanu iha ida-idak nia nasaun sei sai hanesan baze ida atu hametin kooperasaun mútua iha área saúde entre parte sira.

Nasaun rua iha kompromisu sei promove dezenvolvimentu kooperasaun iha área; Servisu Kuidadu Saúde, Prevensaun no Kontrolu ba Moras, Dezenvolvimentu Rekursu Umanu iha Setór Saúde, Dezenvolve Ospitál no Infraestrutura Médika, Peskiza no Dezenvolvimentu Saúde.

Ministériu Saúde (MdS) Timor-Leste (TL) no Ministériu Saúde (MdS) Brunei Darussalam nian atu hametin relasaun amizade entre nasaun rua no nia povu, realizasaun sira ne'ebé hetan ona iha área saúde nian, inklui iha kuadru servisu kuidadu saúde sei kontribui ba dezenvolvimentu servisu saúde iha TL.

MdS reafirma nia kompromisu atu kontinua kooperasaun estratéjika sira ho nasaun Asosiasaun Nasaun Sudeste Aziátiku (ASEAN), hodi kontribui ba salva moris, hametin sistema saúde, no konstrui futuru saudável liu ba povu TL.

#MídiaPalácioDasCinzas