Bobonaro loron 6, fulan-Maiu, tinan-2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, hala’o inagurasaun ba Edefisiu SEFOPE Munisípiu Bobonaro no Entrega sertifikadu ba formandu lian Inglês etapa da tolu ema na'in 301.

Iha serimònia Sekretáriu Estadu hateten, inisiu nia simu mandatu hala'o observasaun uluk ba edefisiu SEFOPE Munisipiu sira hotu, iha munisipiu balun mak presiza duni hadia kondisaun edefisiu no balun tenke hahu halo foun.

"Hafoin simu mandatu ita hahu uluk ho halo edentifikasaun ba edifisiu ba munisipiu sira hotu, no Munisípiu hanesan Bobonaro, Ermera, Lautem no Manatuto, sai ita nia tarjetu hodi halo konstrusaun foun no rehabiltasaun,tanba sira nia kondisaun presiza duni ita hadia, atu nune'e tenke garante funsisinariu sira iha sira nia servisu fatin ho diak."hateten Sekretáriu Estadu iha fatin Serimònia.

Sekretáriu Estadu fundamenta, Joven sira tenke husik tempu atu bele mai iha fatin ida ne'e, hodi asesu informasaun ba Empregu, liu-liu ba formandu sira ne'ebé mak simu ona sertifikadu ba formasaun lian Inglês.

"Fatin ida ne'e diak tebes ba joven sira atu asesu ba informasaun, konaba formasaun sira, liu-liu ba informasaun ne'ebé mak asesu merkadu rai laran no rai liur."dehan Sekretáriu Estadu.

"Husu ba alin sira ne'ebé mak ohin simu sertifikadu iha fatin ida ne'e, imi tenke prepara imi nian an, remata iha ida ne'e imi tenki update imi nia profile iha sistema, atu nune'e empregador sira bele halo entrevista ba imi, karik imi nia profile mak diak sira bele hili imi."tenik Sekretáriu Estadu.

Serimònia ne'e partisipa husi Reprezentante Prezidente Autoridade Bobonaro, Komandate PNTL Munisípiu Bobonaro, administrador Bobonaro, rev padre Paroqial Bobonaro, Direktór Jerál, Diretor Nasionál, autoridade lokal no Formandun lian Inglés sira.

Edefisiu ne'e konstrui husi kompañia Zhavia, Unispesoal LDA, no projetu ne'e rasik finansial husi SEFOPE.