Asuntu : 𝐃𝐈𝐒𝐊𝐔𝐒𝐀𝐔𝐍 𝐀𝐋𝐓𝐀 𝐍𝐈𝐕𝐄𝐋 𝐀𝐕𝐀𝐋𝐈𝐀 𝐏𝐑𝐎𝐆𝐑𝐄𝐒𝐔 𝐏𝐋𝐀𝐍𝐔 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐄𝐒𝐓𝐑𝐀𝐓É𝐉𝐈𝐊𝐔 (𝐏𝐄𝐃) 𝟐𝟎𝟏𝟏-𝟐𝟎𝟑𝟎 Dili, 15 Setembru 2025 – Ministru Transporte no Komunikasaun, Eng.Miguel Marques Gonçalves Manetelu segunda ohin partisipa série diskusaun grupu alta nivel. Diskusaun ne’e sei hala’o durante loron tolu nia laran hahú husi loron 15-17 Setembru 2025, diskusaun ne’e lidera hosi Ministériu Planeamentu no Investimentu no abertura husi Ministru Planeamentu no Investimentu, Gastão Sousa iha Otél Timor Dili. Série diskusaun grupu alta nivel (Focus Group Discussion-FGD) ho tema "High-Level Focus Group Discussion Toward the Advancement of Sustainable Development and Economic Diversification," ho objetivu atu avalia progresu Planu Dezenvolvimentu Estratéjiku (PED) 2011-2030 no halibur hanoin sira bá Planu Dezenvolvimentu Médiu Prazu 2015-2030 ne'ebé sei mai. Diskusaun, tuir orientasaun husi Sua Exelénsia Primeiru-Ministru Kay Rala Xanana Gusmão, foka bá hanesan reziliensia klimátika, transparénsia no inkluzaun sosiál. Ekonomiku no governasaun institusionál. Ida-ne'e mós sei aborda kestaun transversál krusiál sira Governu Timor-Leste, ho lideransa husi Primeiru-Ministru Kay Rala Xanana Gusmão, enkomenda ona konsórsiu ida atu halo avaliasaun bá PED 2011-2030 no prepara input sira bá Planu Médiu Prazu 2026-2035. Konkluzaun inisiál sira hosi konsorsiu ida ne'e destaka progresu signifikativu iha área sira hanesan matrikula eskolár no saúde inan nian, maibé mós hatudu dezafiu sira ne'ebé persistente. Dezafiu sira-ne'e inklui volatilidade fiskál, oportunidade empregu ne'ebé limitadu, dependénsia estruturál ida bá reseitas petrolíferu no fragmentasaun institusionál. FGD iha objetivu ida ne'ebé klaru: atu valida no enrikese konkluzaun inisiál sira-ne'e no atu hahú forma diresaun polítika sira bá Planu Mediu Prazu foun. "Avaliasaun la'ós de'it ezersísiu ida Investimentu iha relatóriu realizasaun sira, maibé momentu reflesaun nasionál ida", dehan Ministru Planeamentu no Estratéjiku, Gastão Francisco de Sousa. " "Liuhusi diálogu ne'e, ami hakarak garante katak ami-nia perkursu dezenvolvimentu futuru nian la'ós de' it inkorpora lisaun sira hosi pasadu maibé mós hatán bá ezijénsia sira hosi ami-nia povu no harii fundasaun ida ne'ebé metin liután bá progresu sustentável no inkluzivu". tenik Ministru Gastão Francisco de Sousa. " Diskusaun ne'e halibur hamutuk parte interesada oioin, inklui ministru sira, peritu tékniku sira, parseiru dezenvolvimentu, reprezentante sosiedade sivil no lider setór privadu. Grupu ida-idak iha papél kritiku hodi kontribui bá dalan dezenvolvimentu nasionál. Porezemplu, ministériu sira sei klarifika prioridade setoriál, peritu sira sei fornese análize bazeia bá evidensia no sosiedade sivíl no autór emprezariál sira sei oferese hanoin sira kona-bá nesesidade no aspirasaun reál sira hosi públiku. *𝐌é𝐝𝐢𝐚 𝐌𝐓𝐊*
Data Publica : 15 Sep 2025
Descrisaun :
