Viqueque, 4 Maiu 2026.Munisípiu Viqueque suku Luca hahú ona implementa programa kuda hare variedade Inpare 32 uza makina agrikola modernu, hodi hasa’e produsaun hare husi nivel aldea to’o Munisípiu ne’eduni Ministériu Agrikultura Pekuária Peska no Floresta apresia ba komunidade no agrikultór sira-nia servisu ho inisiativa hodi halo natar ne’ebé mak abandona kleur ona hodi reativa fali-fali.

Ministru MAPPF Marcos “MAMETA” da Cruz iha entrevista katak, area luca potensia boot ba agrikultura tanba ne’e Governu servisu hamutuk ho povu atu aumenta no hasa’e produsaun agrikultura, pekuária, peska inklui Floresta, Ne’eduni Ministériu apresia servisu Autoridade Municipal to’o suku tanba bele enkoraja agrikultór sira hodi hasa’e produsaun.

Ministériu hahú introduz tan makina agrikola modernu ba komunidade iha luca tanba durante ne’e ema

Barak hatene mak agrikultura subsistensia ka tradisional katak servisu iha natar uza ekipamentu manual hanesan,enxada, ai-suak no tudik inklui halai natar uza karau no ho gastus ne’ebé boot maibé MAPPF apoiu makina kuda hare modernu hodi fasilita agrikultór sira atu reduz gastu no tempu servisu iha natar no la presiza ema barak atu apoiu tanba makina ida bele kuda hare ektare ida iha oras 3 ka 4 de’it ne’eduni enkoraza ema hotu atu fila-fali ba halo natar nune’e bele hasa’e produsaun.

Atu dezenvolve setór agrikultura fatór inportante mak moderniza setór agrikultura ho makina modernu sira. “Ministériu la’os de’it apoiu makina kuda hare maibé iha tempu kolleta mós sei apoiu tan makina koa hare atu bele hatudu ba ema hotu katak uza makina sei la gastu tempu no osan boot tanba ne’e presiza atu apoiu no falisita povu sira tanba sira mak sai autor ba Dezenvolvimentu Agrikultura” Ministru hatutan

Iha fatin hanesan, Prezidenti Autoridade Municipal Viqueque, Fransisco Cruz S.G Soares, mós realsa, makina kuda hare ne’e efetivu liu atu bele hasa’e produsaun agrikola iha Munisípiu Viqueque, lansamentu kuda hare uza makina modernu ne’e hanesan oportunidade osan mean ida tanba ne’e Viqueque marka istoria ida konaba makina foun ne’e. Munisípiu Viqueque iha postu Adminstartivu 5 ne’e iha rai potensia ba setór agrikultura tanba ne’e ho makina modernu ne’ebé mak lansa iha suku Luca ne’e hanesan influensia no provoka joven sir abele foti oportunidade ne’e hosi hasa’e kresimentu ekonomia familian ho fasil.

PAM hatutan, kuda hare uza makina ne’e primeraves iha Munisipiu Viqueuqe maske dalabarak haree de’it iha Media sosaial maibé loron ohin(Rad_Segunda)oportunidade boot bele inplementa duni iha suku Luca.” tuir Eroi sira katak Timor Ukun -an mak Viqueque sei sai kabun ba Munisípiu to’o nasionál tanba ne’e ha’u fiar katak Viqueque sei hasa’e produtu lokál ho makina modernu sira nune’e bele trava mós inportasaun husi rai liur ”Tenik Nia

Nune’e mós Xefe grupu We’edare, Cosme Gomes Guterres senti kontenti tanba ho makina kuda hare modernu ne’e bele apoiu agrikultór sira hodi hamenus gastus no tempu kuda hare nian tanba durante ne’e ami uza de’it Sistema tradisional ne’e gasta osan boot maibé ho makina ne’e hafasíl tebes ami nia servisu.

Partisipa iha serimonia lansamentu ne’e Administradór Postu Viqueque, Xefe suku sira, Komandante PNTL Viqueque, Diretór Agrikultura Viqueque inklui Komunidade iha suku Luca.Ekipa DMEA