Díli, 06 Maiu 2026

Eselénsia Sekretáriu Estadu Kooperativas (SEKoop), Eng. Arsénio Pereira da Silva, M.Agr., akompaña husi Xefe Gabinete Francisca L. de Araújo Simith, Asesor Tékniku Estanislao Claudio Ximenes, nomos funsionáriu apóiu polítiku Gabinete SEKoop, koko tua husi Bafo Kayrala ne’ebé produz husi ENSIFE 2005 Unipessoal, Lda.

Exemplu husi tua refere aprezenta diretamente husi Diretór ENSIFE 2005 Unipessoal, Lda, Sr. Gaudêncio Bernardino Soares, iha Gabinete SEKoop ACAIT, Díli.

Hafoin koko, Eselénsia Sekretáriu Estadu Kooperativas aprésia tebes inisiativa ne’e, no husi parte SEKoop prontu nafatin atu fó apóiu ba atividade sira hanesan ne’e.

“Ita hotu tenki aprésia no agradese ba inisiativa sira hanesan ne’e. Governu sei prontu nafatin fó apóiu liu husi motivasaun no apoiu moral. Produsaun tua husi Bafo Kayrala mos kontribui ona ba kresimentu ekonomia familiar, liu-liu ba sira ne’ebé envolve iha kultiva Bafo Kayrala,” afirma SEKoop.

Enkuantu antes ne'e, Asesor Tékniku Estanislao Claudio Ximenes maka entrega Bafo Kayrala ho kuantidade kilo rua ba Diretór ENSIFE atu halo esperimentasaun ba produsaun tua refere. Rezultadu hatudu katak diak, no iha futuru sei kontinua servisu hamutuk ho SEKoop no kamponez sira atu bele aumenta produsaun hodi hatama ba merkadu lokal no nasionál.

#Média SEKoop#