Dili, 06 maiu 2026 - Sua Exelénsia Ministra Edukasaun Dra. Dulce de Jesus Soares hala'o enkontru ho Reprezentante no Diretora ba Programa Mundiál Ai-han (WFP) iha Timor-Leste, ne'ebé foin simu kargu iha 20 Setembru 2024. Nia foti knaar husi Alba Cecilia Garzon Olivarez hodi lidera operasaun WFP nian ne'ebé foka ba seguransa ai-han, nutrisaun, no hametin sistema protesaun sosiál iha nasaun laran, iha sala VIP Ministériu Edukasaun Vila-Verde.

Iha kooperasaun WFP fó apoiu ba Programa Merenda Eskolár, hametin programa nasionál ne'e liuhusi asisténsia téknika, parseria, no dezenvolvimentu estratéjia foun hanesan rice fortification (enrike simentu foos ho nutrisaun) hodi hadi'a saúde no kbiit aprende estudante sira-nian.Apoiu Infraestrutura Eskola: Parseria ne'e mós inklui harii küzina ne'ebé seguru no dignu iha eskola sira atu garante ai-han ne'ebé hamoos no iha nutrisaun ba labarik sira.

Merenda Eskolár husi Produtu Lokál (Home-Grown School Feeding): WFP servisu hamutuk ho Ministériu Edukasaun, Ministériu Agrikultura, no Administrasaun Estatál atu sosa ai-han husi agrikultór lokál sira hodi fó ba eskola, ne'ebé ajuda mós ekonomia lokál no nutrisaun estudante sira-nian.Projetu INSPIRE: Hamutuk ho UNICEF no ILO, WFP servisu ho Ministériu Edukasaun atu hametin inkluzaun sosiál no nutrisaun liuhusi sistema saúde eskolár ne'ebé di'ak liután.

#EliasdaCosta

#MédiaME