04 Maio 2026: Ministra Saúde (MS) dr. Elia A.A. dos Reis Amaral, SH hala’o enkontru Bilaterál ho Ministru Saúde Brunei Darussalam Dato Seri Setia Dr. Haji Mohammad Isham Bin Haji Jaafar, Iha Bandar Seri Begawan, Brunei Darussalam.

MS iha biban ne’e hato'o agradementu kle’an ba Governu Brunei Darusalam hanesan Nasaun Irmaun ASEAN Timor-Leste (TL) nian, ne'ebe hahú faze foun ida establese Nota Entedementu Memorandum of Understanding (MoU).

Iha enkontru ne’e parte rua deskute kompromisu Nasaun rua hodi promove dezenvolvimentu kooperasaun iha area; Servisu Kuidadu Saúde, Prevensaun no Kontrolu ba Moras, Dezenvolvimentu Rekursu Umanu iha Setór Saúde, Dezenvolve Ospitál no Infraestrutura Médika, Peskiza no Dezenvolvimentu Saúde.

Parte rua deskute mos mekanismu oinsa TL bele haruka professional Saúde sira atu hetan kapasitasaun iha Área espesialista Kardiolójia, Onkolójia no área sira seluk inklui Pediátria, Maternidade, Laboratorium no akreditasaun Laboratoriu ospital nian.

Alenide ne’e MS ho delegasaun sira vizita mós Ospital Publiko ne’ebé avansadu tebes iha Pediátria, Maternidade, no konklui vizita iha Ospital Privada Jerudon Park Medical Center (JPMC) ne'ebé avansadu tebes iha Kardialójia no Onkolójia nian iha nasaun Brunei Darussalam.

#MídiaPalácioDasCinzas