𝐁𝐫𝐮𝐧𝐞𝐢 𝐃𝐚𝐫𝐮𝐬𝐬𝐚𝐥𝐚𝐦, 𝟎𝟓 𝐌𝐚𝐢𝐮 𝟐𝟎𝟐𝟔

========================

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, akompaña delegasaun Timor-Leste hala’o vizita ba instalasaun produsaun mina no gás iha Brunei Darussalam, hodi haree diretamente prosesu jestaun rekursu naturál no dezenvolvimentu indústria petróleu no gás nian.

Liquefied Natural Gas (LNG) Brunei ne’ebé lokalizadu iha Lumut, Distritu Belait, hanesan produtór mina no gás ne’ebé boot liu iha Brunei, no sai nu’udar atór xave iha setór enerjétiku nasaun nian dezde nia estabelesimentu iha tinan 1969. Liquefied Natural Gas hanesan produtór mina-rai boot dahaat iha Sudeste, no gás naturál líkidu (LNG) ba daneen, no mos iha Brunei Fertilizer Industries (BFI) maka empreza governu nian no produtór ba adubu granular amonia no ureia, ne'ebé lokalizadu iha Sungai Liang Industrial Park (SPARK), Distritu Belait, Brunei.

Vizita ne’e realiza nu’udar parte ida husi programa vizita ofisiál Governu Timor-Leste iha Brunei Darussalam, ne’ebé buka hametin relasaun bilaterál no promove kooperasaun iha setór enerjia no investimentu.

Iha vizita ofisiál ne'e simu diretamente husi Ministru iha Gabinete Primeiru-Ministru no Ministru Finansa no Ekonomia II, Dato' Seri Setia Dr. Awang Haji Mohd Amin Liew bin Abdullah.

See less