Dili loron 8, fulan-Maiu, tinan 2026, Sekretária Estadu ba Formasaun Profisionál no Empregu, Sua exelênsia Rogério Araújo Mendonça L.Ed, hamutu ho Diretór Diresaun Nasionál Empregu no Estranjeiru, João Correia Pereira, Diretór HRD Korea iha Timor-Leste, Kim Min Hee, partisipa iha serimónia despedida ba trablladór Timoroan na’in 88, molok ba servisu iha nasaun Korea Sul.

Parabens ba traballador sira hotu, atu hetan oportunidade ba servisu iha korea ne defisil tebes, esforsu ita boot sira hetan duni nia rezultadu.

Sekretaria Estadu SEFOPE husu ba trabllador sira atu hatudu komportamentu diak no uza oportunidade ne’e tenke diak, imi nia maluk barak mak hakarak hetan oportunidade ida ne’e maibe susar tebes, ho nune;e hau husu ba traballador sira uza oportunidade ida ne’e ho diak, imi sira ba servisu iha area peskas servisu ho kuidadu an.

Hau husu ba traballador sira kuidadu ita boot sira nia an ho diak, liu-liu ba mane sira la bele hemu tua no lori kareta selae imi bele hasoru dezastre, tanba ne’e hau hanoin ita boot sira kuidadu ho buat sira ho diak, hadok an mos ho arte marsiais, hahu husi tinan 2009 mai to agora problema arte marsiais seidauk iha, nune’e imi sira foun ne’e keta ba hatudu fali kor, imi uza faru ho kor bandeira RDTL, imi ema ida deit, la iha kor oin-oin iha neba, imi tenke hatudu imi nai displina no komportamentu diak iha servisu fatin, no ita iha Embaixador, Adidu no Timor oan sira ne’ebe mak servisu iha neba, bainhira imi hasoru problema ho empregador imi bele kontaktu ho Adido no assiten Adido hodi buka solusaun ba imi nia problema.

Hau husu ba traballador foun sira atu la bele halai husi sistama, kuadun imi ses ou halai husi Sistema mak imi hasoru problema hanesan moras, ka dezastre susar tebes, no familia sei la hetan buat ida, maibe imi iha Sistema laran mak imi sei hetan asuransi, kuandu imi sai husi Sistema Govenru so bele fasilita imi nia billete hodi bele lori imi fila mai Timor, aliende ne’e Sekretaria Estadu mos husu ba familia sira atu, enkoraja oan sira no kolabora ho parte governo para atu sira la bele ses husi Sistema, no karik sira “traballador” haruka osan mai husu ba parte familia sira atu iha ona hanoin loke negosiu laos uza hodi gasta atu nune’e bainhira sira fila mai Timor Leste Leste osan ne’e sei bele sirkula iha rai laran no bele hadia nafatin ekonomia familia nian, , Dehan (Sekretaria Estadu).

Apresentasaun Relatoriu Badak Husi Diretor DNEE, Sr. Joao Correia Pereira.

Serimonia ida nee sempre akontese bainhira ita nia traballdor sira atu desloka ba rai liur, hanesan Korea Sul, Australia, Japaun no Nova Zelandia ita sempre iha ambitu halo serimonia despedida asina deklarasaun entre Governo Timor-Leste, hamutuk ho Traballdor no Familia sira antes sira mobilija ba rai liur.

iha relatoriu ba tinan ida nee ho total traballdor ba Korea Sul nian hamutuk 397, total traballdor ba loron ohin nian hamutuk hamutuk nain 88, peskas jeral hamutuk 43 inklui re-entry nain 1 no maioria mane, total jeral fabrika hamutuk nain 28, kompostu husi mane nain 20, feto nain 1 inklui re-entry nain 7, no agrikultura, total 17, kompostu husi mane nain 11, no feto nain 6. Re-entry nain 8 sira mak sai hanesan save no exemplo ba traballdor foun sira, dehan Diretór DNEE, no ikus husi apresentasaun mak ba ho koidadu an, boa viagen ba imi hotu.

Mensajem husi DIretor HRDK Mr. KIM, “Parabens ba joven Timor oan sira hotu nebe’e sei viagen ba Korea no mos ba famillia. Imi liu ijame ho prosesu nebe mak naruk, no prosesu nebe mak barak, no hetan resposta nebe mak diak to ohin loron, Imi ba Korea laos ba representa imi nia aan maibe representa nasaun Timor Leste, tan ne’e iha serviasu fatin hatudu servisu nebe’e mak diak.