Curug Jakarta, 06 Maiu 2026

Delegasaun ne’e lidera husi Prezidente ANATL, Romualdo António Soares da Silva, Prezidente Autoridade Aviasaun Civil Timor-Leste Institutu Públiku (AACTL, I. P.), Sr. Zezinho Gusmão, Asesór Planeamentu Gabinete Ministru, Augosto Barreto, membru Fundu Dezemvolvimentu Kapitál Umanu (FDCH), inklui ekipa asuntu servisu relevante sira, halo Vizita Ofisiál bá iha instituisaun edukatíva Politéknik Penerbangan Curug, Jakart-Indonézia.

Vizita ofisiál bá iha Institutu Politéknik Penerbangan Curug (PPIC) Jakarta-Indonézia simu ho di’ak husi estrutura dirijente no manorin sira.

Prezidente Konsellu Administrasaun ANATL, E. P., Romualdo António Soares da Silva, agradese bá eskola PPIC tanba bele ajuda kapasita ona joven Timor-oan sira liuhusi matéria no siénsia hirak ne’ebé fahe no husu mós bá bolseiru sira, atu aproveita didi’ak oportunidade iha prosesu aprendizajem, nune’e bainhira finaliza ona estudu bele implementa iha fatin servisu iha Timor-Leste.

Iha sorin seluk delegasaun husi Timor-Leste halo mós diskusaun no avaliasaun bá matéria sira ne’ebé durante ne’e estudante sira aprende.

Rezultadu husi enkontru hatudu sinál positivu tanba parte husi eskola PPI Curug Jakarta mós, aprezenta bá ekipa husi, MTK, ANATL, , FDCH no AACTL, kona-bá bolseiru sira nia dezempeñu eskola no iha biban ne’e mós Prezidente AACTL I. P., Sr. Zezinho Gusmão mós parabens bolseiru sira tanba hetan valór/klasifikasaun di’ak nomos parte rua aprésia hodi kontinua hametin kooperasaun servisu ho forma karakter abilidade foin sa’e timoroan nian, nu’udar futuru jerasaun Timor-Leste.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊