𝐁𝐚𝐭𝐮𝐠𝐞𝐝𝐞, 02 Maio 2026 | Sua Eselénsia Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮𝐣𝐨. 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏, hamutuk ho Ekipa sira tun haree diretamente kondisaun pekuária iha área refere no rona komunidade hakiak nain sira nia preokupasaun.

Iha vizita ida ne'e, Sua Eselénsia Sekretáriu Estadu Pekuária (SEPE) hamutuk ho Xefi Aldeia Lotan, no komunidade sira ba hare direitamente fatin natar nian no animal hanesan karau ho fatin bibeiros ne’ebe maka lokaliza iha Aldeia Lotan, Suku Batugede, Postu Balibo,Munisipiu Bobonaro.

Haktuir ba informasaun balun ne'ebe mak Gabinete Sekretáriu Estadu Pekuária (GASEPE) simu hosi komunidade Suku Batu-gade, katak sira nia animal lakon duni iha sira nia suku. Tamba ne'e mak Governante ne'e hamutuk ho komitiva tu’un direta observa hodi husu informasaun ba komunidade sira ne'ebe mak enfrenta hela problema ne'e.

Hafoin Vizita , Sua Eselénsia Sekretáriu Estadu Pekuária (SEPE) ho nia ekipa kontinua kedas ba hare liu Pastajen ne’ebe mak organiza hosi grupu balun, ne’ebe haki’ak ai-han karau nian iha Aldeia Lotan, Suku Batu-gade. Pastajen ne’e ajuda fornese ai-han ba karau sira no hatudu esforsu komunidade nian atu dezenvolve setor pekuária iha área refere.

Vizita ne’e remata ho esperansa katak kolaborasaun entre governu no komunidade bele kontinua forte hodi responde ba dezafiu sira no hasa’e dezenvolvimentu setor pekuária iha área refere no iha Teritorio Timor Laran.