Asuntu : 𝐌𝐈𝐍𝐈𝐒𝐓É𝐑𝐈𝐔 𝐄𝐃𝐔𝐊𝐀𝐒𝐀𝐔𝐍 𝐊𝐎𝐍𝐓𝐈𝐍𝐔𝐀 𝐒𝐄𝐍𝐒𝐈𝐁𝐈𝐋𝐈𝐙𝐀 𝐌𝐀𝐓É𝐑𝐈𝐀 𝐕𝐈𝐎𝐋É𝐍𝐒𝐈𝐀 𝐁𝐀𝐙𝐄𝐈𝐀 𝐁𝐀 𝐉É𝐍𝐄𝐑𝐔 𝐁𝐀 𝐄𝐒𝐓𝐔𝐃𝐀𝐍𝐓𝐄 𝐒𝐈𝐑𝐀 Likisa-Kinta-feira, 11 Setembru 2025, Ministériu Edukasaun liuhosi Diresaun Nasionál Planu, Orsamentu no Estatístika Kontinua sensibiliza formasaun kona-ba violénsia bazeia ba jéneru ba estudante sira iha eskola ESG Hu Iso Lara Iso Munisípiu Likisá. Hafoin remata abertura ba sensibilizasaun Diretór Eskola Sr. Domingos Ramos hateten, Sensibilizasaun ne'e atu partilla informasaun ba estudante no mestre sira hodi fó koñesimentu Báziku Kona-ba Igualdade Jéneru no Refere kazu Violénsia sira karik akontese iha Ambiente Eskola nomos respeita malu bainhira tuir prosesu ensinu aprendizajen insentivu ho kualidade no inkluzivu. “Kria relasaun amizade ne’ebe diak entre manorin no kanorin sira, ne’ebé iha ligasaun ho respeitu hodi bele halakon forma diskriminasaun oi-oin entre labarik sira iha ambiente eskola” Entretanto, Reprezentante Diresaun Nasional Planu Ministeriu Edukasaun, Fasilitador Sr. Nazário Jorge Pereira Subliña tan katak, “Ita hala’o ona Sensibilizasaun iha Ensino Sekundáriu hotu iha Territorio Nasional ho Objetivo oinsa Estudante sira bele koñese no komprende diak liutan Violénsia sira kona-ba Jéneru, hanesan Asédiu sexual no nia Definisaun sira hodi nune’e sira bele hatene oinsa halo asaun karik sira hasoru situasaun hirak ne’e. Transforma no muda hahalok no norma sosial sira atu bele promove iha nivel komunidade no inter-pesoál hodi prevene violénsia bazeia ba jéneru”. “Ita mos sei partilha informasaun sira kona-ba Saúde Sexual oinsa kuidadu no hado’ok an husi moras hada’et sexual hanesan HIV SIDA” Sensibilizasaun ida ne’e hala’o loron tomak, no Partisipa husi Diretor da Eskola, Super intendente Munisipio Likisa, Professores no mos Estudante sira.
Data Publica : 17 Sep 2025
Descrisaun :
