Dili, 11 Maiu 2026 – Ministériu Juventude, Desportu, Arte no Kultura (MJDAK) kontinua kometidu hodi apoiu modernizasaun desportu nasionál. Ohin (11/05), foinsa’e hamutuk na’in-15 partisipa iha formasaun tékniku Time Chips Electronic, ne’ebé organiza husi Federasaun Timor-Leste Atletízmu (FTA) ho apoiu finanseiru husi MJDAK.

Abertura ba atividade ne’e hala’o husi Diretór Jerál Desportu (DJD), David Tomas de Deus, akompaña husi Diretóra Nasionál Desportu Federadu (DNDF), Josefina Zeca Pinto, no Prezidente FTA, Afranio Xavier, iha Salaun Jináziu Desportu Dili (GDD).

Pontu importante husi atividade ne'e:

Muda husi Manual ba Eletrónika: Formasaun ne'e ho objetivu atu adapta ho evolusaun mundiál, uza teknolojia "Time Chips" hodi asegura rezultadu tempu ne'ebé real-time no evita kestionamentu iha eventu desportivu boot sira.

Apoiu Governu: MJDAK fó apoiu orsamentu hamutuk $7,000 USD hodi realiza formasaun durante loron tolu ne'e.

Prepara ba Nível ASEAN: DJD enkoraja joven sira atu aproveita oportunidade ne'e hodi hasa'e koñesimentu teknolójiku hodi prepara an ba kompetisaun sira iha nível rejionál.

MJDAK fiar katak liuhusi inovasaun no kapasitasaun ba foinsa'e sira, atletízmu Timor-Leste sei la'o ba oin ho profisionalizmu ne'ebé aas liu tan!

#MJDAK #MédiaMJDAK #FTA #AtletízmuTL #TimeChipsElectronic #JuventudeTL #DesportuModernu #TimorLeste

Ver menos