Ministériu Saúde (MdS) liuhosi Ekipa Gabinete Inspesaun Auditoria Saúde (GIAS) kontinua hala’o inspesaun reguler ba klinika no farmásia sira iha Munisipiu Dili.

Iha atividade ne’e, ekipa halo inspesaun ba FMCC Pharmacy, Farmasia ISDE no Klinika dental 7788, hodi avalia funsionamentu servisu farmásia nian, inklui jestaun medikamentus, prosedimentu operasionál no kumprimentu regulamentu vigór.

Liu husi atividade inspesaun no fiskalizasaun regulár sira, MdS reafirma nia kompromisu atu garante qualidade servisu saúde no proteje saúde komunidade.

Autoridade saúde kontinua husu kooperasaun husi proprietáriu no profisionál saúde sira atu kumpri lei no padraun ne’ebé aplika, hodi asegura seguransa no bem-estar ba ema hotu.