Viqueque- 08/05/26 Ministério Agricultura Pecuária Pesca no Floresta (MAPPF) entrega Ró unidade neen (6) ho marka Viber Class ba Aministrador Posto Administrativo Uatucarbau hodi bele entrega fila fali ba peskador husi Posto Administrativo Uatucarbau no mós Uatulari atu bele utiliza atividade kaer ikan iha area kosteira.

Tuir Diretór Jeral Pescas Akasio dos Santos neebé reprezenta mós Ministru MAPPF esplika, Ró iha unidade neen (6) unidade rua sei entrega ba APA Uatulari no unidade 4 sei entrega ba APA Uatucarbau, Ró hirak nee Ministério responde bazeia ba proposta neebé submete ba iha Dirasaun Jeral Pescas balu liu hosi Gabinete Ministro no balu liu hosi Gabinete Secretario estado Pescas, hafoin halo verifikasaun ba lista, no ita hare katak sira nee merese duni atu hetan apoiu, tanba sira hela iha kosteiru no sira nia profisaun mak kaer ikan.

Nia akresenta, entre sira iha membru grupu nee iha balu mak profisaun diak no balu la dun diak, maibe ita fiar katak sira sei apoiu malu hodi utiliza Ró hirak nee hodi halao sira nia atividade kaer ikan, atu bele hetan osan hodi bele sustenta ba ekonomia iha familia.

Iha fatin hanesan APA Uatucarbau Ancleto Doutel Sarmento hateten,Sasan hirak nee sasan Patrimoniu Estadu nian, tanba nee husu ba grupu hirak neebé mak hetan ona apoiu ba ekipamentu refere uza ba tuir nesesidade grupu no ba nesesidade familia ninian, tanba ekipamentus hirak nee ita nia esforsu durante nee mak ohin loron ita hetan ona apoiu ida nee.

“Ami mós sei esforsu nafatin atu oinsa enkamiña proposta bai ha MAPPF Nasionál liu hosi Dirasaun Jeral Pescas, atu kontinua apoiu Ró, hodi nunee ita bele edentifika jovem sira neebé mak iha kreatividade ba atividade Pescas ka kaer ikan atu bele apoiu nafatin sira. Dala ida tan sasan hirak nee hanesan Patrimoniu Estadu, tanba nee Autoridade sira hanesan OPS, Chefe do Suku no mos Chefe Aldeia atu oinsa hetan problema ruma karik enkamiña ba PNTL hodi prosesu tuir baze legal neebé mak iha.”tenik APA Uatucarbau.

Nunee mós Pascador Pedro Pinto, husi grupu pecas Uatucarbau nian, hatoo obrigada barak ba Governu liu hosi Ministério Agricultura Pecuária Pesca no Floresta (MAPPF) tanba bele apoiu nona Ró, durante nee sira nunka hetan apoiu ruma liu-liu sira nia atividade hanesan kaer ikan, sira esforsu rasik hodi tama tasi ho bero kiik no hean deit halo nia kondisaun bele moras too halo sira nia kanotak mos bele tohar, no sira nafatin esforsu hodi halao sira nia atividade kaer ikan ho kondisaun hanesan nee, tanba atu sustenta ba ekonomia uma laran.

“Maibe agora ami agrase tebes, tanba Governo ajuda ona ami, ida nee benefisiu tebes mai ami, hodi buka ami nia moris ba oin, ba futuru ami mos hakarak husu atu Ministério kontinua apoiu nafatin ekipamentu hirak nee atu bele apoiu mós ba ami nia maluk peskdor sira neebé mak seidauk hetan.” Katak Pedro.

Seremonia entrega ekipamentu Ró nee halao iha edifisiu Administrasaun Uatucarbau, ekipamentu refere tesi fita no entrega direta husi Diretór Jeral Pescas neebé reprezenta Ministro ba iha APA Uatucarbau hafoin entrega hikas ba iha grupu Pesacor sira husi Uatucarbau no Uatulari