𝐃í𝐥𝐢-𝐊𝐮𝐚𝐫𝐭𝐚 𝟎𝟔/𝟎𝟓/ 𝟐𝟎𝟐𝟔.

S.E. Vise-Ministra Finansa, Sra. Regina de Jesus de Sousa, akompaña husi prezidente Instituto Nasional de Estatistika Timor-Leste (INETL.IP) Sr. Elias dos Santos Fereira no Diretór-Jerál Jestaun Mobilizasaun Rekursu Externu (DGGMRE) Sr. Francisco da Silva, partisipa iha atividade lansamentu Negósiu kona-ba Protesaun Sosiál ba Seguransa Ai-han no Nutrisaun ne’ebé konvoka husi Forsa Tarefa Globál kona-ba Protesaun Sosiál ba Nutrisaun no Programa Ai-han Mundiál, World Food Programme (WFP)

Eventu ne’e mós hetan partisipasaun husi Vice-Ministra Solidariedade Sosiál no Inkluzaun (MSSI), Sra. Seu British, Sekretáriu Estadu Kooperativas, Sr. Arsenio Pereira, no Sekretáriu Estadu Protesaun Sivíl, Sr. Domingos Mariano Reis.

Programa hahú ho diskursu abertura husi S.E. Prezidente Repúblika, Sr. José Ramos-Horta, ne’ebé fó enfaze katak hamlaha no malnutrisaun la’ós destinu ida, no investimentu iha protesaun sosiál sensível ba nutrisaun importante tebes atu harii kapitál umanu no estabilidade sosial.

Prezidente Repúblika hateten mundu agora hasoru dezafiu bo’ot hanesan funu, mudansa klimátika, volatilidade ekonómika no dezigualdade sosial ne’ebé aumenta presaun ba família vulnerável sira.

“Investe iha protesaun sosiál sensível ba nutrisaun la’ós karidade, maibé justisa no direitu umanu,” dehan Prezidente José Ramos-Horta iha nia intervensaun.

Iha eventu ne’e, reprezentante World Food Programme (WFP) halo introdusaun kona-ba kazu negósiu ne’ebé fó prioridade ba seguransa ai-han no nutrisaun, iha mós aprezentasaun programa sanitáriu husi Vise-Ministra Solidariedade Sosiál no Inkluzaun (MSSI), Sra.Seu British.

Prezidente Repúblika mós fó enfaze ba programa Bolsa da Mãe Kondisionál no Sanitariu hanesan modelu integrasaun entre nutrisaun, saúde no protesaun sosiál iha Timor-Leste.

Programa Sanitariu liga transferénsia osan ho servisu saúde inan no labarik no apoiu hahán nutritivu ba feto isin-rua, inan fó-susu no labarik ki’ik sira.

Iha remata, Prezidente Repúblika bolu governu, parseiru dezenvolvimentu, instituisaun finanseira internasionál no sosiedade sivíl atu hametin kooperasaun no investimentu iha nutrisaun, saúde no protesaun sosiál hodi asegura futuru di’ak liu ba labarik no família sira iha Timor-Leste.

#Foto #Ekipa #Media #Ministeriufinansas

Lihat Lebih Sedikit