𝐃Í𝐋𝐈, 𝐌𝐉 — 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟏 𝐌𝐚𝐢𝐮 𝟐𝟎𝟐𝟔, Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o sorumutuk ofisiál ho Reprezentante Programa Nasoens Unidas ba Dezenvolvimentu (UNDP) iha Timor-Leste, Sra. Katyna Argueta, iha Sala Sorumutuk Gabinete Ministru Justisa, Rua Justisa, Colmera, Díli.

Objetivu hosi sorumutuk ne’e, atu hametin relasaun kooperasaun institusionál entre Ministériu Justisa no UNDP, liuliu iha área sira ligadu ho fortalesementu sistema justisa, no dezenvolvimentu institusionál iha Timor-Leste

Iha oportunidade ne’e, Ministru Justisa agradese ba apoiu kontinuu hosi UNDP ne’ebé durante ne’e kontribui ona ba prosesu dezenvolvimentu setor justisa iha Timor-Leste. Ministru mos subliña katak parseria entre parte rua importante tebes atu garante sistema justisa ne’ebé efetivu, inkluzivu no asesivel ba sidadaun hotu-hotu.

Reprezentante UNDP kontinua komprometidu atu suporta prioridade sira Governu Timor-Leste nian, partikularmente iha fortalesimentu kapasidade institusionál, promosaun Estado de Direitu no implementasaun programa sira ne’ebé fó benefísiu direta ba komunidade.

Durante sorumutuk, parte rua mós troka hanoin kona-bá oportunidade kooperasaun futura no identifika área prioridade sira atu kontinua dezenvolve parseria estratéjika entre Ministériu Justisa no UNDP. Enkontru ne’e, la’o ho ambiente amigável, konstrutivu no marka kompromisu hamutuk atu kontinua servisu ba dezenvolvimentu sistema justisa iha Timor-Leste.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Lihat Lebih Sedikit