𝟏𝟐 𝐌𝐚𝐢𝐮 𝟐𝟎𝟐𝟔

==========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, simu vizita hosi Prezidente The Japan-Australia Business Co-operation Committee (JABCC), Michiaki Hirose, akompañadu hosi Embaixadór Japaun iha Timor-Leste, Yamamoto Yasushi iha Gabinete Vise-PM, Farol, Díli Tersa, 12 Maiu 2026, hodi troka hanoin sira kona-bá oportunidade kooperasaun ekonómika entre Timor-Leste, Japaun no Austrália.

Relasaun entre Timor-Leste no Japaun durante ne’e forte no di’ak teb-tebes, nune’e organizasaun ne’e hakarak kontinua kontribui atu promove oportunidade investimentu no dezenvolvimentu sustentável ba Timor-Leste. Timor-Leste konsidera kooperasaun ho parseiru internasionál hanesan fatór importante atu promove kreximentu ekonomia sustentável no inkluzivu.

JABCC nu’udar organizasaun ne’ebé harii iha tinan 1963 ho misaun atu promove kooperasaun ekonómika no hametin ligasaun entre komunidade emprezariál Japaun no Austrália no mós habelar oportunidade negósiu ba benefísiu membru sira no komunidade internasionál.

See less