Dili 13-05-2026 (Media HNGV) Diretor Ezekutivu e Prezidente Konsellu Directiva HNGV, dr. Nuno Vital Soares, S.PSI.,M.Psicanalis HNGV hamutuk ho Konsellu Diretiva akompaña S.E Ministra Saúde (MS) dr. Élia A.A. dos Reis Amaral, SH halo vizita ba Konstrusaun Sala Pediatria no ICCU HNGV, Bidau Dili, Loron Tersa Feira (12/5/2026).

Iha intervista S.E Ministra Saúde (MS) dr. Élia A.A. dos Reis Amaral, SH hateten vizita ida ne’e atu observa ka hare mudansa balun iha Sala konstrusaun pediatria nia laran antes kompanhia entrega Governo no Konstrusaun agora atinji ona 86 %.

“Ohin vizita ba konstrusaun sala pediatria ami hare mudansa balun atu hadia, espesialista sira tama mos ba konstrusaun rasik hodi hare no iha buat balun ne’ebe ami sei muda entermu instalasaun no iha tempo badak hau se informa bainhira mak bele utiliza konstrusaun pediatria” dehan S.E Ministra Saúde.

S.E Ministra Saúde haktuir ekipamentus ne’ebe atu instala iha sala pediatria iha tipu rua mak hanesan ekipamentus médiku no ekipamentus non médiku ne’ebé se to’o iha Timor-Leste iha tempo badak nia laran.

S.E Ministra Saúde hateten Ministerio Saúde mos halo ona preparasaun hasa’e kapasitasaun profisionais saúde liu husi treinamento ba Mediku, Enfermeiro no Parteira iha Australian Royal Darwin Hospital - Northern Territory ne’ebe hetan suporta husi INSTPL no Menzies.

Emtertantu hafoin Vizita S.E Ministra Saúde kontinua partisipa iha serimonia ba loron internasional Enferneiros no Parteiras ne'ebe realiza iha Salaun Serimonia HNGV.

#MediaHNGV