Dili, 12 Maiu 2026; Vise-Ministru ba Oprrasionalizasaun Ospitál (VMOH-sigla portugés), dr. Flávio Brandão Mendes de Araújo akompaña hosi Diretór Gerál Servisu Ospitalár (DGSH), dr. Raimundo dos Santos simu vizita ekipa espesialista Nefrolojia hosi Ospitál Ramathibodi, Universidade Mahidol, Tailándia, iha knaar fatin Palácio das Cinzas, Caicoli.

Vizita ne’e fasilita husi Embaixada Reinu Tailándia no Organizasaun Mundial Saúde (OMS) Timor-Leste ho objetivu atu fó apoiu ba Ministériu Saúde, espesifikamente atu eksplora kolaborasaun iha kapasitasaun rekursu humanu iha àrea Nefrolojia nian, haree ba kazu moras riins no moras seluk hanesan hipertensaun, diabetes, no kalkulus/fatal iha rins ne'ebe halo rins falha no presiza fase raan.

Iha biban ne'e Vise-Ministru Saúde ba Operasionalizasaun Ospitál, husu mós atu eksplora posibilidade atu fo formasaun ba médiku, enfermeiriu no tékniku sira "peritoneal dialysis" hanesan alternativu seluk ba pasiente moras rins (renal failure).

Kolaborasaun ne'e hanesan faze inísiu ida ne'ebe sei aposta transplantasaun rins/organ iha prestasaun kuidadus tersiárius iha TL.

Enkuantu, Ministériu Saúde halo kolaborasaun ho Mahidol university intermediariu no Organizaun Mundiál Saúde ba Timor leste, sei oferese opurtunidade formasaun ba iha área Nefrolojista, médiku no enfermeiros/tékniku sira atu tuir formasaun iha Thailandia.

Kolaborasaun ne'e inklui mós atu reforsa servisu prevensaun moras rins liuhosi edukasaun no promosaun saúde ba komunidade