𝟏𝟒 𝐌𝐚𝐢𝐮 𝟐𝟎𝟐𝟔

===========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha Kinta, 14 Maiu 2026, tun fali ba observa diretamente progresu servisu ne’ebé relasiona ho preparasaun ba lansamentu International Convention Center (ICC), iha área Portu Tuan, Baía, Díli.

Iha vizita servisu ne’e, Vise-PM ba haree preparativu tékniku sira ne’ebé kontinua la'o atu asegura serimónia lansamentu ICC bele realiza ho di’ak no organizadu.

Durante vizita ne’e, Vise-PM simu esplikasaun husi ekipa tékniku no responsável sira kona-bá dezenvolvimentu servisu durante loron hirak ikus ne’e, inklui preparasaun infraestrutura, limpeza área, sistema iluminasaun no fasilidade apoiu seluk ne’ebé sei uza durante eventu lansamentu.

Governu fó atensaun bo'ot ba preparasaun ICC tanba infraestrutura ida ne’e sei sai símbolu importante ida ba dezenvolvimentu ekonomia, turizmu no kapasidade Timor-Leste nian atu simu eventu nasionál no internasionál iha futuru.

See less