Asuntu : 𝐌𝐉𝐃𝐀𝐊 𝐋𝐢𝐝𝐞𝐫𝐚 𝐑𝐞𝐮𝐧𝐢𝐚𝐮𝐧 𝐊𝐨𝐦𝐢𝐬𝐚𝐮𝐧 𝐎𝐫𝐠𝐚𝐧𝐢𝐳𝐚𝐝𝐨𝐫𝐚 𝐃𝐢𝐥𝐢 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐌𝐚𝐫𝐚𝐭𝐡𝐨𝐧 𝟐𝟎𝟐𝟓 DILI, 16 Setembru 2025 — Ministru Juventude, Desportu, Arte no Kultura (MJDAK), Nelyo Isaac Sarmento, ohin lidera reuniaun ho Komisaun Organizadora ba eventu Dili International Marathon (DIM) 2025. Reuniaun ne'e hala'o iha salaun Magna MJDAK, Dili, ho objetivu atu prepara no koordena eventu desportivu boot ne'e ne'ebé sei hahú iha loron 9 to'o 11 Outubru. Tema Maratona nian no Ligasaun ho ASEAN Ministru Nelyo Isaac Sarmento hateten katak preparasaun ba Dili Marathon la'o daudaun ona. Nia esplika katak eventu ne'e hanesan pasu ida atu hatudu ba mundu katak Timor-Leste prepara ona atu integra-an ba ASEAN. "Ita hatene katak reprezentante sira husi nasaun membru ASEAN sei partisipa iha eventu ida ne'e," dehan Ministru Nelyo Isaac. "Atleta sira ne'ebé mai husi ASEAN sei nu'udar alvu sentrál ba ita-nia atensaun." Maratona ne'e uza tema ne'ebé ho signifikaun boot: "Dame ba Palestina no Dalan Unidade ba ASEAN". Ne'e reflete Timor-Leste nia kompromisu ba pás no solidariedade rejionál. Preparasaun ba Atividade Adisionál Iha reuniaun ne'e, Adjuntu Casa Civil husi Prezidensia Repúblika mós halo aprezentasaun ba tópiku sira hanesan: Termu Referénsia ba Komisaun Organizadora, Promosaun Turizmu, Exposisaun, no Promosaun Saúde,Atualizasaun ba kada seksaun iha maratona. Data atu hato'o atualizasaun informasaun ba Prezidente Repúblika Ekipa organizadora sei fó atualizasaun ofisiál ba Prezidente Repúblika iha loron 25 Setembru 2025. Mensajen prinsipál ba Prezidente Repúblika mak "Halai ba pás, halai ba solidariedade, halai ba unidade ASEAN." Reuniaun ne'e hetan partisipasaun husi reprezentante sira husi Prezidensia Repúblika, Gabinete MJDAK, Diretores Jeral husi MJDAK, no reprezentante husi Ministériu sira relevante hanesan MT, MCI, MAE, MNEC, SECOMS, Bombeirus, F-FDTL, PNTL, no CVTL. #MJDAK #GovernuTL #DiliInternationalMarathon #TimorLeste #ASEAN #HalaiBaPás #MídiaMJDAK
Data Publica : 17 Sep 2025
Descrisaun :
