𝗗Í𝗟𝗜, 𝗠𝗝 — 𝗦𝗲𝘀𝘁𝗮-𝗳𝗲𝗶𝗿𝗮, 𝟭𝟱 𝗠𝗮𝗶𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, realiza enkontru ofisiál ho Embaixadora Singapura iha Timor-Leste, Sra. Teo Lay Chang, iha sala sorumutuk Gabinete Ministru Justisa, Ministériu Justisa, Colmera, Díli.

Objetivu hosi enkontru ne’e, atu diskute kona-bá planu instalasaun Embaixada Singapura nian iha Timor-Leste, nune’e mós atu hametin kooperasaun bilateral iha setor justisa. Iha kontestu ida-ne’e, parte Singapura hato’o nia prontidaun atu kontinua apoiu dezenvolvimentu setor justisa iha Timor-Leste, liu-liu iha área mediasaun no arbitrajen, ne’ebé konsidera importante hodi fortalese mekanizmu rezolusaun konflitu no garantia seguransa jurídika iha nasaun RDTL.

Durante enkontru ne’e, diskute mós kona-ba oportunidade kapasitasaun no formasaun ba rekursu umanu timoroan, espesialmente ba juiz, prokurador no advogadu sira, atu bele aprofunda koñesimentu no esperiénsia kona-ba sistema mediasaun no arbitrajen hosi Singapura, ne’ebé rekonhese internacionalmente hanesan modelu ida ne’ebé efetivu no modernu.

Aleinde ne’e, Singapura reafirma mós nia prontidaun atu fó apoiu ba Timor-Leste sai nu’udár Prezidénsia ASEAN iha Timor-Leste. Liu hosi esperiénsia, kooperasaun téknika no asisténsia relevante sira atu garante preparasaun ne’ebé di’ak.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Lihat Lebih Sedikit