𝟏𝟓 𝐌𝐚𝐢𝐮 𝟐𝟎𝟐𝟔

==========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, konvoka reuniaun interministeriál ida hodi ko’alia no halo avaliasaun kona-bá progresu konstrusaun Aeroportu Internasionál Nicolau Lobato, ne’ebé oras ne’e la’o hela.

Reuniaun interministeriál ne’e hala’o iha Gabinete Vise-PM, Farol, Díli, Sesta, 15 Maiu 2026, ne’ebé hetan partisipasaun husi Ministru Transporte no Komunikasaun, Miguel Marques Gonçalves Manetelu, Ministru Planeamentu no Investimentu Estratéjiku, Gastão Francisco de Sousa, Sekretáriu Estadu Terras no Propriedade, Jaime Xavier Lopes, no mós reprezentante husi ministériu no entidade relevante sira ne’ebé diretamente liga ho implementasaun projetu aeroportu refere, atu asegura koordenasaun di’ak entre parte hotu-hotu no aselera prosesu dezenvolvimentu infraestrutura ne’e bele la’o ho di’ak liu tan.

See less