𝟏𝟓 𝐌𝐚𝐢𝐮 𝟐𝟎𝟐𝟔

===========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, hala’o sorumutu ho Sekretáriu Estadu ba Kooperativa (SEKoop), Arsénio Pereira, akompañadu husi dirijente sira SEKoop diskute preparasaun ba eventu internasionál ASEAN Cooperative Expo 2026 ne’ebé planeia atu realiza iha inísiu fulan Outubru 2026 iha Díli.

Tuir planu ne’ebé iha, ASEAN Cooperative Expo 2026 sei envolve partisipasaun husi Ministru sira ne’ebé responsável ba setór kooperativa husi nasaun membru ASEAN sira, inklui reprezentante kooperativa, parseiru dezenvolvimentu, no setór privadu husi rejiaun Sudeste Aziátiku.

Durante sorumutu ne’ebé hala'o iha Gabinete Vise-PM, Farol, Díli, Sesta, 15 Maiu 2026 ne'e mós ko’alia kona-bá nesesidade sira atu asegura preparasaun ne’ebé di’ak, koordenasaun interministeriál no apoiu lojístiku atu eventu ASEAN Cooperative Expo 2026 bele la'o ho di'ak.

See less