𝐃𝐢𝐥𝐢, 𝟏𝟓 𝐌𝐚𝐢𝐮 𝟐𝟎𝟐𝟔

Eselensia Vise-Ministeriu Komersiu no Industria, Sr. Augusto Junior Trindade, halo abertura ba bazar baratu iha Munisipiu manatuto, postu Admistrativu Laclo.

Atividade ne’e realiza tanba Ministeriu Komersiu no Industria servisu hamutuk ho autoridade munisipiu no autoridade lokal hodi hakbesik nesesidade baziku ba hakbesik povu iha rural hodi bele asesu, no ativiadade ne’e mos programa ida hodi hodi komemora Selebrasaun tinan 24 ba Restaurasaun Independensia 20 maiu.

Vise Ministru Komersiu no Industria apresia ba autoridade lokal sira bele hatene nia komunidade nia sofrimentu hodi halo proposta liu husi MCI bele realiza atividade bazar baratu ne’e hodi komemora loron aniversariu restaurasaun independensia ba dala 24.

“Ohin prezensa iha ne’e laos lori buat boot maibe maibe prezensa nee simbolikamente atu hatudu katak governu fo resposta ida imediata lais ba pedidu ida husi autoridade lokal, hodi halibur empreza sira ne’ebe faan nesesidade baziku, lori sira nia produtu mai iha postu Laclo atu responde deit katak nesesidade ne’ebe komunidade sira iha area rural presiza”, hateten VMCI.

Admistrador Postu Admistrativu laclo, Sr. Filomeno Rodriguês Pereira Cárceres, hato’o agradese ba governu liu husi MCI, bele hakbesik nesidade baziku ba komunidade iha rural, tanba tempu udan komunidade sira difisil asesu ba nesesidade baziku ho nune’e agradese tebes ba servisu hamutuk ho autoridade postu laclo.

Tema ba atividade bazar baratu ne’e, mak solidariedade nasional no unidade ekonomika hodi hametin espiritu ukun rasik-an iha loron 20 maiu 2026.

Bazar baratu ne’e reflete valor unidade nasional entre governu seitor privadu no komunidade hodi promove estabilidade presu durante periodu selebrasaun tinan 24 ba Restaurasaun Independensia.

Atividade ne'e sei halao iha loron 15-19 maiu, partisipa husi bazar baratu ne'e mai husi seitor privadu sira hodi promove prezu hakbesik liu ba povu.

See less